ကျနော် နှင့် ကားပါမစ်

ဒီပိုစ့်ကတော့ လောလောလက်လက် ကျနော်ကားပါမစ်ရောဂါထတဲ့အကြောင်းလေးပါ။ ဒီကိစ္စနဲ့ပတ်သတ်ပြီးမေးမြန်းစုံစမ်းနေတဲ့ စင်္ကာပူမှာနေထိုင် အလုပ်လုပ်ကိုင်နေကြတဲ့ ညီအကိုသူငယ်ချင်းတွေလဲ ရှိနေလို့ တခါထဲရှင်းပြပြီးသားဖြစ်သွားအောင် ရေးသားဖော်ပြ
လိုက်ပါတယ်။ တစ်လက်စထဲ ကားပါမစ်ကိစ္စ ကိုလုပ်ဖို့အတွက် မြန်မာပြည်ပြန်တာဆိုတာဆိုတော့ ပြန်ဖို့စီစဉ်တာကစလို့ကြုံတွေ့သမျှ တွေနဲ့ မြန်မာသံရုံးမှာ အခွန်ဆောင်တာကိုလဲထည့်ရေးထားဖြစ်ပါတယ်။ အမြဲပြောနေကျအတိုင်းပဲ ကျနော်နိုင်ငံရေးသမားတစ်ယောက် မဟုတ်သလို နိုင်ငံရေးကိုလဲစိတ်ဝင်တစားမရှိလှသလောက်ဖြစ်ပေမယ့် ဒီပိုစ့်မှာတော့ နိုင်ငံရေးနဲ့ပတ်သတ်တာလေးတွေနည်းနည်းပါးပါး တော့ပါပါလိမ့်မယ်။ ဘယ်လိုပဲဖြစ်ဖြစ် ဘယ်သူ့ကိုမှထိခိုက်နစ်နာစေလို သောသဘောမဟုတ်ပါဘူးဆိုတာ ကြိုပြောပါရစေ။ ဒီပိုစ့်ကို
အခကြေးငွေဖြစ်သော်လည်းကောင်း၊ အခမဲ့သော်လည်ကောင်း ပုံနိုပ်ဖော်ပြသည့်မည်သည့် media တွင်မှသုံးစွဲခြင်းမပြုပါရန်မေတ္တာရပ်
ခံပါသည်။ Internet Website များနှင့် facebook တွင် ခွင့်ပြုချက်တောင်းခံစရာမလိုပဲ ကျနော့် blog မှတဆင့် သော် လည်းကောင်း myanmarinsingapore မှတဆင့် သော်လည်းကောင်း share နိုင်ပါကြောင်း အသိပေးအပ်ပါသည်။ မရှင်းလင်းသော အချက်များနှင့်

အခြားသိချင်တာများရှိခဲ့ရင် အောက်က comment ကနေမေးမြန်းနိုင်ပါတယ်။

ကျနော်တို့ အမိမြန်မာနိုင်ငံတော်အစိုးရရဲ့ အလုပ်သမားဝန်ကြီးဌာန ကနေ ၂၀၁၂ခုနှစ် ဇန်နဝါရီလ (၆) ရက်နေ့က နိုင်ငံရပ်ခြားမှာ
အလုပ်လုပ်ကိုင်နေကြတဲ့ မြန်မာနိုင်ငံသားများ ၏ အခွန်ဆောင်ပြီးသောရရှိတဲ့ဝင်ငွေမှ မော်တော်ယာဉ်များတင်သွင်းခွင့်ပြုမယ်ဆိုတဲ့
အကြောင်း သတင်းစာများမှထုတ်ပြန်ကြေငြာပြီးတာနဲ့ တပြိုင်နက်ပဲ ကမ္ဘာကိုရွာလို့တင်စားခေါ်ဝေါ်ရတဲ့ ခေတ်ကာလကြီးမှာ အချိန်နဲ့
တပြေးညီပဲ facebook ပေါ်မှာ တဆင့်သတင်းတွေချက်ချင်း ရရှိခဲ့ပါတယ်။ သိလျှင်သိချင်း တော့ သိပ်စိတ်ဝင်တစားမရှိလှပါဘူး။ တနေ
ကုန်ရုံးမှာထိုင်နေပေမယ့် အဲ့ဒီကားပါမစ်ကိစ္စကို မတွေးမိပဲ ညဖက်အိမ်အပြန် လမ်းရောက်မှကားပါမစ်ရရင်ရောင်းစားလို့ရတာပေါ့လို့
ဆိုပြီး နည်းနည်းစိတ်ဝင်စားသွားပါတယ်။ ဒါကြောင့်ပဲ နီးစပ်ရာတွေကိုမေးမြန်းစုံစမ်းကြည့်တော့ ကားပါမစ်တစ်စောင်ကိုပဲ မြန်မာကျပ်ငွေ
သိန်း ၁၀၀ က နေ ၁၅၀ ကြားဖြစ်တာဆိုတော့ မဆိုးဘူးဟဲ့ဆိုပြီး နောက်တစ်ရက်မှာ ရန်ကုန်ကိုရောက်နေတဲ့ အမေကိုလှန်းပြောပါတယ်။
ကြေငြာချက်ထဲမှာပါတဲ့အတိုင်း အခွန်ကြေပြီးသားဖြစ်ရမယ်ဆိုတော့ ပထမဆုံး ကျန်နေတဲ့ အခွန်တော်တွေကို ဆောင်ဖို့လုပ်ရမယ်ဆို
တော့ ရုံးမှာ အခွန်ဆောင်ဖို့တွက်ချက် လိုအပ်တဲ့ငွေကြေးကိုဘယ်လိုရှာရမယ် ဘယ်လိုလှည့်ပတ်သုံးစွဲရမယ်ဆိုတာတွေကို တနေကုန်
ရုံးအလုပ်မလုပ်ပဲ ကိုယ်ကိစ္စတွေကိုယ်လုပ်လိုက်တယ်။

အဆင့် (၁) မြန်မာသံရုံးသို့

နောက်တစ်နေ့တော့ မြန်မာသံရုံးကို မနက်စောစောထပြီး ၈ နာရီလောက်ရောက်အောင်သွားလိုက်ပေမယ့် ဟိုးအရင်လွန်ခဲ့တဲ့ ၄ နှစ်
လောက်ကပုံစံမဟုတ်တော့ပဲ အတော်ကြီးကိုတိုးတက်ပြောင်းလဲလာတယ်လို့ပြောရမှာပါ။ အခွန်ဆောင်မယ့်သူ၊ စာအုပ်သတ်တမ်းတိုး၊
ထောက်ခံစာယူစတဲ့ ကောင်စစ်ရေးရာလုပ်ဆောင်ချက်တွေလာလုပ်ကြတဲ့သူတွေအတွက် နားနေဆောင်သီးသန့်ထားရှိထားပေးပြီး၊
ခုနကပြောတဲ့ ကောင်စစ်ရေးရာတွေလုပ်ဖို့အတွက် step by step ဘယ်လိုလုပ်ရမယ်ဆိုတာကို ရှင်းပြထားတဲ့ကြော်ငြာတွေကိုကပ်ထား
ပေးပါတယ်။ နားနေဆောင်ထဲမှာလဲ ၃၂ လက်မ LCD (LED လဲဖြစ်ချင်ဖြစ်မှာပေါ့) တီဗွီကြီး ၂ လုံးနဲ့လဲ Q နံပါတ်ဖော်ပြပေးသလို သတင်း
နဲ့မြန်မာကားလဲ ပြသပြီးစောင့်နေတဲ့အချိန်တွေမှာအပျင်းပြေစေပါသေးတယ်။ သက်ဆိုင်ရာစာရွက်စာတမ်းတွေဖြည့်ဖို့ စားပွဲနဲ့ ထိုင်ခုံ
တွေ၊ မတ်တတ်ရပ်ပြီးဖြည့်ဖို့နေရာတွေ၊ သောက်ရေအတွက် တခါသုံးခွက်ပါအဆင်သင့်နဲ့ရေသန့်ရေပူရေအေးစက်တွေ၊ ပျင်းရင်ဖတ်ဖို့ စာအုပ်စင် စတာတွေကို အစီအစဉ်တကျတွေ့ရလို့ ဝမ်းသာမိတာအမှန်ပါ။ ဘယ်သူ့လမ်းညွှန်မှုနဲ့လုပ်ဆောင်ခဲ့တယ်ဆိုတာမသိပေမယ့် အခုလိုအဆင်ပြေပြေလေးနေဖို့ထိုင်ဖို့ စီစဉ်ပေးထားတာတွေကိုတော့ ကျေးဇူးတင်မိပါတယ်။

နံနက် ၉ နာရီ တိတိမှာ Q နံပါတ်စပေးမယ်ဆိုတော့ ၈ နာရီ ၄၅ လောက်မှာ နံပါတ်ပေးမယ့်ပြူတင်းပေါက်ကောင်တာရှေ့မှာ မြန်မာပီပီ
ကိုယ်ရှေ့ဆုံးကရောက်ရေးအတွက် နေရာဦးဖို့လုပ်နေကြတော့ လုံခြုံရေးကုလားကြီးက ၉ နာရီမှ တန်းစီကြဖို့ပြောပြီးပြန်ထိုင်ခိုင်းနေရ
တယ်။ ၉ နာရီထိုးခါနီးမှာတော့ လူတိုင်းတန်းစီနေကြပြီး သံရုံးဝန်ထမ်း က တံခါးဖွင့်ပြီး Q နံပါတ်မှာကိုစောင့်ကြပါတော့တယ်။ ၉ နာရီ ၁၀
လောက်မှာတော့ တံခါးဖွင့်ပြီး ဗီဇာလာလျှောက်တဲ့သူတွေအတွက် တဖက်လိုင်းမှာတန်းစီနေတဲ့ သူတွေကိုစပေးပါတယ်။ ကျနော်ကတော့
ရှေ့ဆုံးကစရီရင် ၁၄ ယောက်မြောက်မှာရှိနေပေမယ့် ပွဲစား (၂) ယောက်ကကြိုစီပေးထားတဲ့နေရာမှာ လူ ၄ ယောက်လောက် ကိုယ့်ရှေ့ က ဝင်လာတော့ နံပါတ် ၁၈ လောက်ရောက်သွားပါတယ်။ အဲ့ဒီနေရာမှာ ပြောချင်တာက ကြိုစီပေးထားတာကိုကျနော်လက်ခံပါတယ်။
သို့သော် (၁) ယောက်ကြိုစီရင် (၁) ယောက်ပဲ replace လုပ်သင့်တာပေါ့ဗျာ။ (၁) ယောက်က စီပေးထားပြီး (၂) ယောက်လောက်ဝင်တာ
ဆိုတော့ နောက်ကတန်းစီနေတဲ့သူတွေကို မတရားရာကျပါတယ်။ ဒါပေမယ့်လဲ မြန်မာလူမျိုးပီပီ အားနာသည်းခံနေလိုက်ပေမယ့် စိတ်ထဲ
မှာတော့ တွေးထားမိတယ် နောက်ထပ် တစ်ယောက်လောက်ရှေ့ကပွဲစားထပ်သွင်းရင်တော့ ပြောမယ်ပေါ့။

Q နံပါတ်ရပြီးတော့ ပေးလိုက်တဲ့ form မှာဖြည့်စရာဖြည့်ပြီးကိုယ့်နံပါတ်ခေါ်တဲ့စီကိုစောင့်ပြီး နံပါတ်ခေါ်ခါနီးတော့ ကောင်တာတွေထားတဲ့
ခန်းမထဲဝင်ပြီး ကြိုတင်တန်းစီစောင့်နေလိုက်တယ်။ ကိုယ်နံပါတ်ကို display မှာအပေါ်ကိုယ်လဲ ကောင်တာရှေ့ရောက်ကွက်တိပဲပေါ့။
ပထမကောင်တာမှာ ပါတ်စ်ပို့စာအုပ်နဲ့ အရင်ကဆောင်ထားတဲ့အခွန်စာရွက်တွေကို အရာရှိတစ်ယောက်ကကြည့်ပါတယ်။ ကျနော့်အခွန်
ဆောင်ထားတာမှာ ရန်ကုန်မှာပြန်ဆောင်ထားတာရှိလို့ ဘယ်လိုသွားဆောင်ထားလဲမေးတော့ ရန်ကုန်အလည်ပြန်ရင်းနဲ့ စာအုပ်သက်
တမ်းတိုးရင်းဆောင်ထားပါတယ်ဆိုတော့ ရပါတယ်တဲ့။ နောက်မှသိရတာက ရန်ကုန်ကို လူကြုံနဲ့လှမ်းပို့ပြီး ဆောင်ရင်မရဘူး၊ လက်မခံပါ
ဘူးတဲ့၊ သူတို့ဘယ်လိုသိမလဲတော့ ကျနော်လဲ မသိဘူးဗျာ။ ဒီကောင်တာက အိုကေ ဆိုတော့ နောက်ကောင်တာမှာ ကျနော့်စာရွက်တွေ
စာအုပ်ပါယူပြီး data တွေ သွင်းတာတွေ့ပါတယ်။ အဲ့ဒီနောက်တော့ အခွန်တွက်ချက်ဖို့အတွက် ကောင်တာကနံပါတ်ခေါ်တာကို စောင့်ရ
ပါတယ်။ အခွန်တွက်တဲ့ကောင်တာကထိုင်တဲ့ အရာရှိအမျိုးသမီးငယ်ငယ် က ကောင်တာအောက်ဖက်မှာရောက်နေပြီး မှန်ကခံနေတဲ့
အတွက်စကားပြောရတာ နည်းနည်းခက်ပါတယ်။ သူ့ကိုအခွန်ဆောင်ထားတဲ့စာရွက်တွေပြတော့ အခွန်ဆောင်ဖို့ကျန်နေတဲ့ဘယ်ကာလ
တွေကိုဆောင်ရမယ်၊ ရန်ကုန်မှာဆောင်ခဲ့တဲ့ တစ်လ (၄၀) အတွက် ပီအာဆိုရင် (၁၂၀) ပြည့်အောင် (၈၀) ကွာခြားခွန်၊ Spass ဆိုရင်
နောက်ထပ် (၄၀)ကွာခြားခွန်ဆိုပြီး ကောက်ရပါမယ်ဆိုတော့ ဟုတ်ကဲ့ပါပေါ့။ ကျနော့်မှာလဲ ၂၀၀၉ ခုနှစ်အတွင်းမှာ မြန်မာပြည်ပြန်နေထား
တာတွေ၊ အလုပ်မရခင်စပ်ကြားကာလတွေရှိပါတယ်ဆိုတော့ ကြည့်ပေးပါမယ်တဲ့။ ကြိုတင်ပြင်ဆင်လာတဲ့ CPF Statement တွေကို
yearly အပြင် up to date ပြပါသော်လည်း CPF Online ပေါ်မှာကြည့်မယ်ဆိုပြီး ကောင်တာခုံပေါ်အစဉ်သင့်တင်ထားတဲ့ PC တစ်လုံးကို
ဖွင့်ပါတယ်။ အဲ့ဒီနေရာမှာပြောချင်တာက CPF Account ဟာ ပုဂ္ဂိုလ်တစ်ဦးချင်းစီအတွက် Private ပါ။ စင်္ကာပူနိုင်ငံပြည်တွင်းမှ ဘဏ်များ
ကနေ တစ်စုံတစ်ခုအတွက်လိုအပ်လို့ CPF Statement တွေကိုကြည့်ချင်ရင် သူတို့ရဲ့ secure site တွေကတဆင့်သော်လည်းကောင်း၊
print ထုတ်ပေးတဲ့ CPF Statement ကိုလည်းကောင်း တင်ပြလို့ရပါတယ်။ CPF Statement ကို အခုလိုနည်းပညာ ခေတ်ကြီးမှာ
အတုလုပ်လို့မရဘူးလို့တော့ မပြောလိုပေမယ့် တော်ရုံတော့ အတုမလုပ်ကောင်းဘူးထင်ပါရဲ့။ အခုတော့ လူတွေကြားထဲမှာ ကိုယ့် CPF
Account ကို SingPass နဲ့ဝင်ပြပြီး သူမကြည့်ချင်တဲ့ statement တွေကိုဖွင့်ပြခိုင်းပါတယ်။ ကိုယ့် account ကိုလူတွေမြင်တော့ ဘာဖြစ်
သလဲ အသားပဲ့ပါသွားတာမှတ်လို့ လို့ စောဒကတက်လို့ရပေမယ့် ဒီဟာက private and confidential ဖြစ်တဲ့အတွက် အဖြစ်သင့်တာ ကိုကြုံလို့ရေးဖြစ်လိုက်တာပါ။

သို့သော်လည်းပဲ အခွန်စစ်ပေးတဲ့ အရာရှိအမျိုးသမီးက သူမတက်နိုင်သလောက်အခွန်ကို လျှော့ပေါ့လုပ်ဆောင်ပေးပါတယ်။ ၂၀၀၉ ခုနှစ်
အတွင်းမှာ ကျနော်ပီအာဖြစ်လာပြီးတဲ့နောက် မြန်မာပြည်ပြန်နေတာတွေ စင်္ကာပူပြန်လာတော့ စီးပွားပျက်ကပ်ကြောင့်အလုပ်ရှာမရလို့
အလုပ်လက်မဲ့နေခဲ့ရတဲ့ကာလ၊ ရရာအလုပ်လုပ်ဖြစ်လိုက်တဲ့ ချန်ဂီလေဆိပ်ကအလုပ်မှာ လုပ်ခဲ့တဲ့ကာလမှာ လစာအဝင်နည်းနေတာတွေ
ကို CPF မှာတွေ့တဲ့အတွက် ၂၀၀၉ ခုနှစ်မှာ ၁၀ လစာလောက်အခွန်ဆောင်စရာမလိုလိုက်ပါဘူး။ ဒီအတွက်တော့ ကျေးဇူးတင်စရာပါပဲ။
အရင်ကကျန်ခဲ့တဲ့အခွန်တွေ၊ မြန်မာပြည်မှာ ပြန်ဆောင်ထားတဲ့အတွက် ကွာခြားခွန်တွေနဲ့ ၂၀၁၁ ခုနှစ် ဒီဇင်ဘာအထိအခွန်အကုန်ကျေ
အောင်ဆောင်လိုက်တာ စင်္ကာပူ ၃၀၀၀ ကျော်လောက်တော့ထွက်သွားပါတယ်။ ၂၀၁၂ ကစပြီး နိုင်ငံတော်ရဲ့စေတနာကြောင့်အခွန်ကင်း
လွှတ်ခွင့်ပြုလိုက်တယ်ဆိုတော့ ကျနော့်မှာ အစိုးရနဲ့ပတ်သတ်ပြီးဘာအကြွေးမှမကျန်တော့ပါဘူး။ အခွန်ဆောင်ငွေသွင်းဖို့အတွက်
ဘားကုဒ်ပါတဲ့ လက်ခံဖြတ်ပိုင်းလေးတစ်ခုပေးပြီး ညနေ ၃ နာရီမှာပြန်လာပါဆိုတော့ဘာမှလုပ်စရာမရှိတော့တဲ့အတွက်အိမ်ပြန်ပြီး နားနေ
လိုက်တယ်။ နေ့လည် ၂ နာရီခွဲလောက်မှာတော့ သံရုံးကိုပြန်သွားပြီး ထိုင်စောင့်နေတော့ ၃ နာရီခွဲမှာ လူနာမည်တွေကို နားနေဆောင်
အသံချဲ့စက်ကနေတဆင့်ခေါ်ပါတယ်။ ဒီလိုခေါ်ရာမှာလဲ မနက်ကစီထားတဲ့ Q နံပါတ်အတိုင်းခေါ်တာ သတိထားမိပါတယ်။ ကိုယ့်နာမည်
ခေါ်တဲ့အခါ ကောင်တာကိုသွားကျသင့်တဲ့ အခွန်ငွေပေးပြီးမှာတော့ ကျနော့်ကိစ္စ အကုန်ပြီးလို့ အခွန်ကြေစာရွက်လေးကိုင်ပြီးသံရုံးကနေ ပေါ့ပေါ့ပါးပါးထွက်လာဖြစ်ပါတယ်။

ရန်ကုန်သို့ အမြန်

ဒီ ၂၀၁၂ အတွင်းရန်ကုန်ကိုပြန်ဖို့ ခရီးစဉ်စီစဉ်ထားတာ မရှိဖူးလို့ ခဏခဏ ပြောဖြစ်လို့ထင်ပါရဲ့ ဒီကားပါမစ်ကိစ္စ အတွက် ရန်ကုန်ကို
အလျှင်အမြန်ပြန်ဖို့ စီစဉ်ဖြစ်ပါတယ်။ သိတဲ့အတိုင်း တရုတ်နှစ်ကူးကာလဖြစ်နေတာကြောင့် လေကြောင်းလိုင်းတွေအကုန်ကြပ်ပြီး ဈေး
အမြင့်တွေကြီးပဲဖြစ်နေတာပါ။ တိုက်ရိုက်လေကြောင်းတွေဖြစ်တဲ့ Silk Air ကတော့ ၆၀၀ ကျော်အနားတောင်မကပ်နိုင်၊ Jet Star ကတော့
သူ့ထုံးစံအတိုင်းသွားမယ့်ရက်နီးလေဈေးကြီးလေဖြစ်တဲ့အတွက် ၇၀၀ နားကပ်နေ၊ နောက်ဆုံး ရွေးချယ်စရာမရှိတဲ့နောက် MAI ကိုကြည့်
တော့ ၄၅၇ တဲ့။ အခြားလေကြောင်းလိုင်းတွေကို online ကပဲဝယ်လေ့ရှိပေမယ့် MAI ကိုတော့ တခါမှ online ကမဝယ်ဖြစ်တော့ မရဖူး လို့ပဲထင်နေတာ၊အိမ်မှာတူတူနေတဲ့ တစ်ယောက်က MAI ကိုonline ကဝယ်ထားတယ်ဆိုတော့ဒီတခါစမ်းကြည့်မှပဲဆိုပြီးလုပ်ကြည့်တော့
မဆိုးဘူးဗျ၊ အခြား Airline ကြီးတွေလိုတော့မဟုတ်ပေမယ့် အရင်ကထက်စာရင် အများကြီးတိုးတက်လာတယ်ပြောရမှာပါ။ သို့သော်
MAI ရဲ့ fare ကိုကြည့်ထားပြီး မဝယ်ဖြစ်သေးပါဘူး။ ဘန်ကောက်တစ်ဆင့်ခံ၊ ကွာလာလမ်ပူ တစ်ဆင့်ခံပျံသန်းမှုတွေကိုလိုက်ကြည့်ဖြစ်
သေးပါတယ်။ ဈေးကမကွာဘူး ဆိုရင် MAI ကို မရွေးချယ်ချင်တာကျနော့်ဆန္ဒပါပဲ။ နောက်ဆုံးမှာတော့ ရှာဖွေလို့ရသမျှလေကြောင်းတွေ
မှာ MAI ကဈေးအသက်သာဆုံးဖြစ်နေတော့ သူ့ကိုပဲ online ကတဆင့်ဝယ်ယူဖြစ်လိုက်ပါတယ်။ online transation ဟာ တခြားလိုင်း
တွေမှာ ဝယ်သလိုပဲ ချောမွေ့မြန်ဆန်ပါတယ်။ e-ticket ကိုလဲ ငွေပေးချေပြီးပြီးချင်းပဲ မိနစ်ပိုင်းအတွင်းပြန်ရပါတယ်။ ဒီအတွက်တော့
MAI ကို အရင်ကထက်ပိုပြီး အထင်ကြီးမိပါရဲ့။ ဇန်နဝါရီလ (၉) ရက်နေ့မှာ အခွန်ဆောင်တဲ့ကိစ္စ ပြီး၊ (၁၀ နဲ့ ၁၁) မှာ ရုံးမှာလုပ်စရာရှိတာ
လေးတွေလုပ်၊ (၁၂) ရက်နေ့နေ့လည်အထိရုံးတက်ပြီး၊ ညနေ MAI လေကြောင်းနဲ့ ရန်ကုန်ပြန်လာဖြစ်ပါတယ်။

၁၂ ရက်နေညနေ ၇ နာရီ ၄၀ မိနစ် မှာထွက်မှာဆိုတော့ ချန်ဂီကို နေတဲ့ Commonwealth ကနေရထားပဲစီးသွားဖြစ်ပါတယ်။ ရန်ကုန်ပြန်
ရင်သိတဲ့အတိုင်း ဟိုဟာထည့်ဒီဟာထည့်နဲ့ luggage က ၂ လုံးဖြစ်သွားတော့ ရထားဘူတာကို အိမ်မှာနေတဲ့ ညီလေး စံလင်းကိုဘူတာ
လိုက်ပို့ပေးဖို့အကူအညီတောင်းရတယ်။ လေဆိပ်ရောက်တော့ T3 Mall မှာဝယ်စရာတွေဝယ်ခြမ်းပြီး MAI ကောင်တာကိုတန်းစီတော့
မယုံနိုင်စရာကောင်းအောင်တန်းရှည်ပြီး ကောင်တာကိုရောက်ဖို့ နာရီဝက်ကျော်လောက်တန်းစီလိုက်ရပါတယ်။ checked baggage က
ကီလို ၂၀ ပဲရပေမယ့် ချိန်လိုက်တော့ ၂၄ကီလိုရှိနေသော်လည်း ကောင်တာဝန်ထမ်းက သဘောကောင်းစွာလွှတ်ပေးလိုက်ပါတယ်။
ကိုယ့်ဟာကိုယ်တောင်အဲ့လောက်ပိုနေတာ အနောက်ကတန်းစီနေတဲ့ အမျိုးသမီးကြီးတစ်ယောက်က ကီလိုပိုရင်ပိုချိန်ရအောင်ဆိုပြီး အဖော်ကစပ်နေသေးတာ။ တန်းစီနေတုံး လေဆိပ်ဝင်ပေါက်လုံခြုံရေးကနေ ကောင်တာကိုပြန်ပြန်ခေါ်လာတဲ့ ခရီးသည်တွေတွေ့တော့
ဘာကြောင့်လဲလို့ စပ်စုလိုက်တာ ထုံးစံအတိုင်း hand carry bag ကိုကောင်တာမှမပြပဲ တစ်နေရာမှာထား အထဲဝင်ခါနီးမှယူပြီးဝင်တဲ့သူ၊
hand carry ကို ၁ ခုမက ၂ခု ၃ ခုတစ်ကိုယ်လုံးရှုပ်ယှက်ခပ်နေသူများ ကို ဝင်ပေါက်မှာ boarding pass စစ်တဲ့ လေဆိပ်လုံခြုံရေးကနေ
ရန်ကုန်ကိုသွားမယ့် MAI ခရီးသည်လို့ boarding pass မှာတွေ့ရရင် hand carry မှာ ချိတ်ပေးလိုက်တဲ့ tag (sticker) ကို ရှာကြည့် ပါတယ်။ အဲ့တာမတွေ့ရင် ပေးမဝင်ပဲ ကောင်တာကိုပြန်သွားခိုင်းတာတို့ လိုက်ပို့တာတို့လုပ်ပါတယ်။ MAI ခမျာမှာလဲ ခံရပါများလာတဲ့
အတွက်အခုလိုကြပ်ကြပ်မတ်မတ်လုပ်ဆောင်လာတာလို့ မြင်ပါတယ်။ ဒီနေရာမှာလဲ လေကြောင်းလိုင်းတိုင်းရဲ့ Economy Class ဟာ
ခရီးသည်တစ်ယောက်အတွက် hand carry ကိုတစ်ခုသာယူဆောင်ခွင့်ပေးပါတယ်။ ကင်မရာ၊ မိန်းမကိုင် လက်ဆွဲလက်ကိုင်အိတ်၊ လွယ်
အိတ်အသေးလိုမျိုးကိုတော့ ထည့်မတွက်ကြပါဘူး။ ကျနော်တို့ မြန်မာပြည်သွားမြန်မာခရီးသည်များကတော့ လက်ဆွဲလက်ကိုင်အိတ်လဲ
ပါတယ်၊ hand carry လက်ဆွဲသေတ္တာလဲပါတယ်၊ တချို့များ ကျောပိုးအိတ်မှာအပြည့်အသိပ်ထည့်ထားတာတွေလဲပါပါသေးတယ်။
ဒီတော့ လေကြောင်းလိုင်းအနေနဲ့ အခုလိုကြပ်မတ်လာရတာကိုအပြစ်ပြောလို့တော့မရပဲ ကျနော့်အနေနဲ့ ထောက်ခံပါတယ်။ ဟိုးအရင်
ကရေးခဲ့တဲ့ လေကြောင်းလိုင်းနဲ့ပတ်သတ်တဲ့ ပိုစ့်တွေမှာရေးခဲ့သလိုပဲ လူတစ်ယောက်အတွက် hand carry (7) ကီလိုသတ်မှတ်ထားပေ
မယ့် လူတစ်ယောက်ကို (၅)ကီလိုလောက်ပိုသယ်လာကြရင် အယောက် (၁၄၀)ပါ ခရီးသည်အပြည့်လေယာဉ်တစ်စင်းမှာ ကီလို ၇၀၀
လောက်ပိုထွက်လာပါတယ်။ ဒါ့အပြင် check in luggage တွေမှာပိုလာတဲ့ အလေးချိန်တွေပါထပ်ထည့်လိုက်ရင် အနည်းဆုံး ကီလို ၁၀၀၀
ကတော့ ပိုကျော်လာနိုင်ပါတယ်။ ဒီအလေးချိန်တွေဟာ လေယာဉ်ပျံသန်းဖို့ တွက်ချက်တဲ့ဟာကို ပြောင်းလဲစေနိုင်ပါတယ်။ တစ်လက်စ
ထဲကြုံလို့ပြောရရင် ခရီးသည်တွေရဲ့ လက်ကိုင်ဖုံးတွေကို လေယာဉ်ပြေးလမ်းပေါ်ဆင်းပြီးတာနဲ့ ဖွင့်ကြတဲ့ကိစ္စပါ။ ကျနော်ကပိုင်းလော့
တစ်ယောက်မဟုတ်ပေမယ့် သိသလောက်ပြောရရင် ပြေးလမ်းပေါ်ဆင်းပြီးပေမယ့် လေကြောင်းထိန်းမျှော်စင်ကနေတဆင့် လေယာဉ်ကို
အဆင်ပြေချောမွေ့စွာဆိုက်ကပ်နိုင်ဖို့ လမ်းညွှန်မှုတွေလုပ်ရပါသေးတယ်။ ခရီးသည်တွေက လက်ကိုင်ဖုံးတွေကိုဖွင့်ကြတဲ့အခါမှာ တော့
မျှော်စင်ကနေလေယာဉ်ကိုပေးပို့တဲ့ navigation system ကို အနှောက်အယှက်ဖြစ်စေပါတယ်။ ဒါကြောင့်ကျနော့် ညီအကိုမောင်နှမများ
လက်ကိုင်ဖုံးဖွင့်ချင်တယ်ဆိုရင် လေယာဉ်ပျံ ဂိတ်မှာဆိုက်မှသာဖွင့်ကြဖို့ ကိုယ်တစ်ယောက်ထဲအတွက်မဟုတ်ပဲ လေယာဉ်ပေါ်ပါတဲ့လူ
တိုင်းအတွက်တိုက်တွန်းလိုပါတယ်။

မြန်မာနိုင်ငံအလံတင် နိုင်ငံပိုင်လေကြောင်းကို ဒုတိယအကြိမ်မြောက်စီးဖူးခြင်းကတော့ ကျနော့်အတွက်အထင်ကြီးစရာ တစ်စက်မှဖြစ်
မလာရပါဘူး။ ညစာအဖြစ်တည်ခင်းကျွေးမွေးတဲ့အခါ ရွေးချယ်စရာ ၂ မျိုးအဖြစ် အုန်းထမင်းနဲ့ကြက်သား နဲ့ခေါက်ဆွဲနဲ့ငါးပါ။ Crew က
အုန်းထမင်းလို့ပြောတော့ ရုတ်တရက် မြန်မာစာစားချင်တဲ့အာသီသဖြစ်ပြီး အုန်းထမင်းစားမယ်ပြောလိုက်တယ်။ ဖွင့်ကြည့်လိုက်တော့
Nasi Lamek ဖြစ်နေပါရောလား။ သူ့ကိုလဲအပြစ်ပြောလို့မရပါဘူး။ တကယ်တော့ Nasi Lamek ဟာ အုန်းထမင်းမှတ်လား။ ခက်တာက
ကောင်းရင်တော်သေးရဲ့ရပ်ကွက်ထဲကဈေးထဲမှာရောင်းတဲ့ Nasi Lamek ကမှသူ့ထက်အများကြီးသာပါအုံးမယ်။ ကျနော်ပဲကံဆိုးတာလား
မသိဘူး၊ ကျနော့်အတွက် ကြက်သားက တူးနေပါသေးတယ်။ Crew တွေရဲ့စကားပြောဟန်၊ ဝန်ဆောင်မှုပေးဟန်က စက်ရုပ်တအားဆန်
ပါတယ်။ ရန်ကုန်ကို ပျံသန်းနေစဉ်အတွင်း ထုံးစံအရလေယာဉ်မှူးက နှုတ်ဆက်စကားပြောပြီး လေယာဉ်ပျံသန်းမှုလမ်းကြောင်းကိုရှင်းပြ
လေ့ရှိပေမယ့် စင်္ကာပူ - ရန်ကုန် ခရီးမှာ လေယာဉ်မှူးစီကဘာမှမကြားရပါဘူး။ ရန်ကုန်ရောက်ခါနီးမှ ရန်ကုန်ကိုဆင်းတော့မယ်နဲ့အတူ
ပြင်ပရာသီဥတု ဘာညာနည်းနည်းလေးပဲပြောသွားပါတယ်။ ရန်ကုန်ကိုတော့ ချန်ဂီလို Air traffic မိမနေပဲ တိုက်ရိုက်ဆင်းသက်ဖြစ်ပါ
တယ်။

အဆင့် (၂) အကောက်ခွန်သို့ နိုင်ငံခြားငွေ ယူဆောင်လာသောပမာဏတင်ပြရန်

လေဆိပ်ထဲရောက်တော့ လဝက ကောင်တာတွေ က အရင်ကထက်တော့ပိုများနေတာသတိထားမိပါတယ်။ အခွန်အပြည့်အဝဆောင်ထား
ပြီး လိုအပ်တဲ့စာရွက်စာတမ်းတွေအကုန်ပြပေးလိုက်တဲ့အတွက် အပြန်အတွက် d-form လုပ်စရာမလိုတော့ပါဘူး။ လဝက ကလဲ မလိုအပ်
တဲ့မေးခွန်းတွေမေးမြန်းခြင်း၊ ဟိုဟာဒီဟာများတောင်းခြင်းတွေလဲ မလုပ်ပါပဲအေးအေးဆေးဆေးပါပဲ။ နောက်ထူးထူးခြားခြား တိုးတက် လာတာက checked baggage တွေဟာအရင်လိုကြာမနေပဲ အမြန်ထွက်လာပါလားဆိုတော့မှာ ကျနော်တို့ချန်ဂီတို့အခြားနိုင်ငံတကာ လေဆိပ်ကြီးတွေမှာလို Custom နေရာမှာ X-Ray စက်ကြီးတွေချထားပြီး ပစ္စည်းတွေကိုစစ်ပါတယ်။ တကယ်တော့အဲ့လိုဖြစ်သင့်နေခဲ့တာ အတော်ကိုကြာနေပါပြီ။ အရင်ကတော့ စက်ကိုအထဲမှာထား တစ်ခုခုကိုကြက်ခြေခတ်ခြစ်နဲ့ဆိုတော့ မြင်မကောင်းတဲ့အပြင်မလိုလားအပ် တဲ့အချိန်တွေကိုပိုကြာစေပါတယ်။ ကားပါမစ်အတွက် ငွေစာရင်းဖွင့်ဖို့အတွက် ပြည်ပကနေ အမေရိကန်ဒေါ်လာယူလာတဲ့သူများအနေနဲ့
တော့ လေဆိပ်အထွက် အကောက်ခွန်ကောင်တာ အေကောက်ခွန်ကြော်ငြာရန်ပါရှိသည်ဆိုတဲ့ အနီရောင်လိုင်းကကောင်တာမှာ တန်းစီ
ဖို့လိုပါတယ်။ လေယာဉ်ပေါ်မှာထဲကပေးလိုက်တဲ့ အကောက်ခွန်ကြော်ငြာလွှာမှာ ယူဆောင်လာတဲ့ငွေကြေးပမာဏတန်ဖိုးအမှန်ကိုရေးဖို့
လိုပါတယ်။ ပြီးတော့ အကောက်ခွန်အရာရှိကပေးတဲ့ စာရွက်နောက်တစ်ခုမှာထပ်ဖြည့်ပြီး အရာရှိကနေငွေကို အကြမ်းစစ်ဆေးပါတယ်။
ဖော်ပြထားတဲ့ပမာဏဟုတ်မဟုတ် စစ်တဲ့သဘောပါ။ မသင်္ကာရင် တစ်ရွက်ချင်းရေပါတယ်။ ကားပါမစ်အတွက်သွားကြတဲ့ သူတွေအဖို့
ဒီကိစ္စဟာမဖြစ်မနေလိုပါတယ်။ (ဘာကြောင့်လိုတယ်ဆိုတာ နောက်ပိုင်းတွင်းရှင်းပြပါမည်)။ အရာရှိစီကနေစစ်ဆေးပြီးကြောင်းလက်မှတ်
ထိုးပြီးရင်တော့ ကိစ္စပြီးပါပြီ။ သူတို့ပေးလိုက်တဲ့စာရွက်ကိုယူပြီး အပြင်ကိုတန်းထွက်ရုံပါပဲ။ ဒီငွေတွေဘာကြောင့်ပါလာတာလဲ၊ ဘာအလုပ်
လုပ်တာလဲ စတဲ့မေးခွန်းတွေလဲ မမေးပါဘူး။ တကယ်လို့မေးခဲ့ရင်လဲ ကျနော်တို့သံရုံးမှာဆောင်ခဲ့တဲ့ အခွန်ပြေစာတွေပြလိုက်ရုံသာရှိပါ
တယ်။ အကောက်ခွန်ကောင်တာဟာဘာပြသနာမှမရှိပေမယ့် မြန်မာနိုင်ငံရဲ့ ဖြစ်နေကျပြသနာဖြစ်တဲ့ လူတွေကိုတန်းမစီခိုင်းပဲ ကြုံရာလက်
မြန်ရာလူရဲ့စာရွက်ကို process လုပ်ပေးနေတာပါပဲ။ တကယ်ဆိုရင် တစ်ယောက်ချင်းတန်းစီ စစ်စရာရှိတဲ့ငွေစစ်၊ လက်မှတ်ထိုးပေးလိုက်
ရင် အလုပ်လဲမြန်မယ် စေ့စပ်သေခြာမှုလဲရှိမှာအမှန်ပါပဲ။ ကျနော်တို့လို ပုံစံခွက်အတိုင်း အော်တိုမစ်တစ် တန်းစီကြတဲ့ စင်္ကာပူလိုနိုင်ငံက
လာတဲ့လူများနဲ့ မကိုက်လှပါဘူး။ ဒီငွေကိုဘာကြောင့်ပြရသလဲဆိုတော့ အလုပ်သမားရုံးက ဒုတိယညွှန်ချုပ်ရဲ့ပြောစကားအရတော့ ဒီငွေ
ဟာတရားဝင်လမ်းကြောင်းကလာတဲ့ ငွေဖြစ်ရပါမယ်တဲ့။ အဝင်မှာ အေကာက်ခွန်ကို ငွေပမာဏကြော်ငြာခဲ့ရပါမယ်လို့ဆိုလို့ပါ။ သူတို့
လိုအပ်တဲ့စာရွက်စာတမ်းစာရင်းမှာမပါပေမယ့် ခုတမျိုးတော်ကြာတမျိုးဖြစ်နေတော့ တကယ်တင်မယ်ဆိုမှ လိုတယ်ပြောမှာဆိုးလို့ပါ။


အဆင့် (၃) စာရွက်စာတမ်းများစုဆောင်းခြင်း

ဒီနေရာမှာတော့ ကျနော့်ကိုယ်တွေ့ဖြစ်ရပ်တွေကိုပဲ ရေးသွားဖြစ်မှာပါ။ ဒီထဲကမှ လုပ်ရမယ့်အချက်အလက်တွေ၊ စုဆောင်းရမယ့် ဟာတွေ
ကိုပါထည့်သွင်းဖော်ပြပေးသွားပါမယ်။ ဇန်နဝါရီလ (၁၃) ရက်မှာ မဟာဗန္ဒုလပန်းခြံလမ်းနဲ့ ကုန်သည်လမ်းထောင့်မှာရှိတဲ့ MFTB လို့
ခေါ်တဲ့ မြန်မာ့နိုင်ငံခြားကုန်သွယ်မှုဘဏ်ကိုသွားပါတယ်။ ဘဏ်က မနက် ၉ နာရီခွဲမှာဖွင့်တာကြောင့် ၉ နာရီခွဲအရောက်သွားရင်အတော်
ပါပဲ။ ဘဏ်မှာ စုံစမ်းရေးကောင်တာရယ်လို့ သတ်သတ်မှတ်မှတ် ရှိပုံမရသလို ရှိရင်လဲဘာဆိုင်းဘုတ်မှထောင်ထားတာတွေ့ရမှာမဟုတ်
ပါဘူး။ အပေါက်ဝမှာ ဝင်ခွင့်ကဒ်ပြားကို မှတ်ပုံတင် သို့မဟုတ် ယာဉ်မောင်းလိုင်စင်နဲ့လဲယူ၊ ယူလာတဲ့အိတ်တွေကို X-Ray စက်နဲ့အရှာခံ
ပြီးတဲ့နောက်မှာတော့ အကောင့်ဖွင့်ဖို့ ဟိုမေးဒီမြန်း နဲ့ Opening Section ကိုရောက်သွားပါတယ်။ အဲ့ဒီမှာရှိတဲ့ အမျိုးသမီးစာရေးမကြီး
က စာရင်းဖွင့်ဖို့လိုအပ်တဲ့ အောက်ပါစာရွက်စာတမ်းတွေနဲ့ ရေးရမယ့် လျှောက်လွှာပုံစံတွေကိုထုတ်ပေးပြီး မိတ္တူသွားကူးခိုင်းပါတယ်။

A. မိမိအလုပ် မှ Appointment Letter and Employment Contract. (Contract မရှိတဲ့သူများအတွက် အလုပ်မှ Offer Letter လဲရ)
B. မိမိ၏ သက်ဆိုင်ရာအလုပ် မှ ခွင့်စာ (leave form)
C. သက်ဆိုင်ရာ သံရုံးများကို အခွန်အပြေသွင်းပြီးကြောင်း ထောက်ခံစာ
D. Passport Copy
E. Myanmar NRIC Copy
F. MFTB Bank မှာ account ဖွင့်ထားသူ ၂ ဦး ရဲ့ထောက်ခံစာ နှင့် ၄င်းတို့၏ account စာအုပ် ကော်င်္ပီများ
G. ဓာတ်ပုံ passport size 2 ပုံ။
H. ပူးတွဲစာရင်း (Join Account) အတွက် ပူးတွဲမည့်သူ၏ မှတ်ပုံတင်မိတ္တူ နှင့် passport size ဓာတ်ပုံ (၂) ပုံ
I. ကိုယ်တိုင်ရေးရမည့်လျှောက်လွှာတစ်စောင်

မှတ်ချက်။ ။ ကားပါမစ်ကိစ္စအတွက် စာရင်းဖွင့်လိုသူများအနေဖြင့် Join Account ဖွင့်ရန်မဖြစ်မနေလိုပါသည်။ မိမိ ရန်ကုန်တွင် နေပြီး
ကားရောက်တဲ့အထိနေမယ်ဆိုရင်တော့ မလိုပါ။ Join Account ဖွင့်ရန်အတွက် မိမိ ၏ မိသားစုဝင်ဖြစ်ရပါမည်။

အဲ့ဒီစာရွက်စာတမ်းတွေရရင်ပြန်လာခဲ့ လို့ပြောပြီး ဒီအထဲမှာ သူတို့ဘဏ်မှာဖွင့်ထားတဲ့ စာရင်းပိုင်ရှင် ၂ ယောက်ဆိုတာတော့ နည်းနည်း
ခက်တယ်နော် လို့ သူမကပြောပါတယ်။ ဒါကို ကျနော်ကနားမလည်ပဲ သဘောရိုးပဲတွေး၊ စင်္ကာပူမှာနေတာကြာပြီဖြစ်တော့ ဒီလိုစာရွက်
စာတမ်းတွေလိုတယ်လို့ပြောလိုက်ရင် ဒါတွေကို အမှန်အတိုင်းမဖြစ်မနေရဖို့ပဲစိတ်ကူးရှိလို့ ဘာမှပြန်မပြောတော့ပဲ ဟုတ်ကဲ့ရအောင်
လုပ်ပါမယ်လို့ပြောပြီးထွက်လာခဲ့မိတယ်။ ကျနော့်စိတ်ထဲမှာတော့ အပြင်ကဆိုင်လေးတွေမှာများလုပ်လို့ရမယ်ပေါ့ ဘဏ်ကလူစီမှာတော့
မရလောက်ဖူးဆိုပြီး ပါလာတဲ့အမေကိုဆိုင်တွေလိုက်စုံစမ်းကြည့်ပါလားလို့မေးတော့ အမေလဲ စင်္ကာပူမှာနေတာကြာသွားလို့ထင်ပါရဲ့
မရလောက်ပါဘူး၊ အခုရန်ကုန်မှာ အမှန်အတိုင်းပဲရတယ်ဆိုပဲ။ အင်းဒါဆိုလဲပြီးတာပဲပေါ့ ဆိုပြီးသားအမိ ၂ ယောက် ဒီစာရင်းပိုင်ရှင် (၂)
ယောက်ကို အရှာထွက်ကြပါတယ်။ တစ်ယောက်ကိုတော့ ဦးလေး အရင်းစီကရပြီး နောက်တစ်ယောက်ကိုတော့ မိတ်ဆွေတစ်ယောက်စီ
ကနေရပါတယ်။ သောကြာဆိုတော့ ရုံးက Saturday Sunday ခံသွားပြီဆိုတော့ လိုအပ်တဲ့စာရွက်စာတမ်းတွေကိုပဲ စုဆောင်းတင်္နလာမှပဲ
ဆက်လုပ်တော့မယ်ဆိုပြီး (၈)မိုင်ကပြည်ပအလုပ်သမားအေဂျင်စီကိုပြေးပါတယ်။ အဲ့ဒီကိုမရောက်ခင်မှာ အလုပ်သမားမှတ်ပုံတင်အတွက်
ဆိုပြီး ကန်တော်ကြီးကအလုပ်သမားမှတ်ပုံတင်ရုံးလဲရောက်တယ်၊ ရန်ကင်းကျောက်ကုန်း ကုန်းဆင်းက ပြည်ပအလုပ်သမားသင်တန်း
ကျောင်းကိုလဲရောက်ပါတယ်။ နောက်ဆုံး (၈)မိုင်ရုံးရောက်တော့မှပဲ ရှင်းသွားတော့တယ်။

(၈)မိုင်က ပြည်ပအလုပ်သမားအေဂျင်စီဆိုတာကတော့ တခြားရောက်ခဲ့သမျှရုံးတွေထဲမှာ စနစ်နည်းနည်းကျတယ်ပြောရမှာပါ။ ကားပါမစ်
အတွက်လျှောက်လွှာပုံစံကို ငွေကျပ် (၅၀၀) နဲ့ဝယ်ရပါတယ်။ ကားပါမစ်လျှောက်လွှာပုံစံနဲ့အလုပ်သမားမှတ်ပုံတင်ကြေးအတွက် ငွေပေး
သွင်းခွင့်လျှောက်လွှာတို့ပါ။ အဲ့ဒီကအလုပ်သမားမှတ်ပုံတင်ကြေးပေးသွင်းခွင့်လျှောက်လွှာမှာ လိုတာတွေဖြည့်၊ passport မိတ္တူနဲ့အတူ
အဲ့ဒီရုံးမှာ ရုံးထိုင်တဲ့ ဒုတိယညွှန်ကြားရေးမှူးချူပ်ရုံးခန်းမှာ သွားပြီး သူ့ကိုလတ်မှတ်ထိုးခိုင်းရပါတယ်။ မထိုးမီမှာတော့ ၄-၅ယောက်တတွဲ
ဝင်သွားကြရပြီး အရာရှိကြီးကလျှောက်လွှာတစ်ဦးချင်းစီကိုနာမည်ခေါ်ပြီး အခွန်အကြေဆောင်ပြီးပြီလား၊ ငွေကိုနိုင်ငံခြားကယူလာရင်
အကောက်ခွန်မှာ ကြေငြာလာခဲ့လား စတာတွေမေးပြီးတော့ သူကလတ်မှတ်ထိုး ပြီး စာရွက်ကိုပြန်ပေးပါတယ်။ အလုပ်သမားမှတ်ပုံတင်
ကြေး FEC 100 ကိုပေးမသွင်းမီ ဘဏ်နဲ့သေခြာမေးမြန်းဖို့၊ ဘဏ်စာရင်းဖွင့်ခွင့်ရမရ သေခြာမေးမြန်းဖို့နဲ့ တကယ်လို့ဘဏ်စာရင်းဖွင့်
ခွင့်မရခဲ့ရင် ဒီငွေ ၁၀၀ ဆုံးမှာဆိုတဲ့အကြောင်းလဲ သေခြာရှင်းပြပေးတာ ကျေးဇူးတင်ရမှာပါ။ တကယ်တော့ ကျနော်တို့လို အလုပ်သမား
အေဂျင်စီကနေတဆင့်မလာပဲ ကိုယ့်အစီအစဉ်နဲ့ပြည်ပထွက်အလုပ်လုပ်တဲ့သူတွေကို သူတို့အလုပ်သမားအေဂျင်စီကနေဘာကဒ်ပြားမှ
ထုတ်ပေးမှာမဟုတ်ပဲ မှတ်ပုံတင်ကြေးဆိုပြီး ငွေ ၁၀၀ သာယူလိုက်တာပါ။ သူတို့ပြောတဲ့အလုပ်သမားမှတ်ပုံတင်ကဒ်ပြားကိုလဲ လုပ်ခွင့်
မရပါဘူးတဲ့။ သူတို့အသိအမှတ်ပြုထားတဲ့ အလုပ်သမားပို့တဲ့ company တွေကမှတဆင့်လုပ်ပေးတာပါဆိုပြီး သိလိုက်ရပါသေးတယ်။
ခုနကပြောတဲ့ အလုပ်သမား မှတ်ပုံတင်ကြေး ငွေ ၁၀၀ ပေးဖို့လျှောက်လွှာရရင်တော့ စာရွက်စာတမ်းတွေစုံသလောက်ရှိသွားပါပြီ။
အဲ့ဒီလျှောက်လွှာကို MFTB ဘဏ်သွားတဲ့နေ့မှာယူသွားပြီး ဘဏ်မှာကိုယ်တကယ်စာရင်းဖွင့်ဖို့ ဆုံးဖြတ်ပြီးပြီဆိုရင် ငွေသွင်းလို့ရပါပြီ။

(၈)မိုင်က အဲ့ဒီရုံးကိုကျနော်ရောက်ခဲ့စဉ်ကတော့ အဲ့ဒီလျှောက်လွှာတွေလက်ခံဆောင်ရွက်ပေးတဲ့ ဝန်ထမ်းများက ဘဏ်နဲ့ပတ်သတ်တဲ့
စာရွက်စာတမ်းတွေ ဘယ်လိုတွေလိုတာလဲ ဆိုတာကိုသူတို့မသိလို့ကျနော့်အမေကရှင်းပြခဲ့ရပါသေးတယ်။ တကယ်ဆိုရင် သူတို့လို
ဒီကားပါစစ်ကိစ္စ ကိုဆောင်ရွက်ပေးရတဲ့ အစိုးရရုံးအနေနဲ့သိသင့်သိထိုက်တာတွေကိုတော့ သူတို့အနေနဲ့သိထားသင့်ပါတယ်။ ဌာနဆိုင်
ရာအချင်းချင်းလဲ ပူးပေါင်းပါဝင်ပြီးကူညီသင့်တဲ့ကိစ္စ တွေပါ။ အခုဟာကတော့ ဟိုရုံးပြေးဒီရုံးပြေးနဲ့ အချိန်ကုန်ပြီးလူတွေပင်ပန်းပါတယ်။
ကျနော်ရေးတဲ့ဒီ ပိုစ့်လေးဖတ်ပြီးတဲ့သူများသွားလုပ်ရင်တော့ ကျနော့်လိုအချိန်ကုန်၊ ငွေကုန် လူပင်ပန်းမဖြစ်တော့ဘူးပေါ့ဗျာ။ :D

အဆင့် (၄) ဘဏ်စာရင်းဖွင့်ခြင်း

ဇန်နဝါရီလ (၁၆) ရက်ကတော့ လိုအပ်တဲ့စာရွက်စာတမ်းတွေအကုန်ယူပြီး ဘဏ်ရှေ့ကိုမနက် ၉ နာရီ ၂၀ လောက်မှာရောက်ပါတယ်။
Opeing Section ကိုပဲတန်းသွားပြီး စာရွက်တွေရပြီဆိုတဲ့အကြောင်းပြောပြီးပေးတော့ ဟိုနေ့ကရှင်းပြပေးတဲ့ ဝန်ထမ်းအမျိုးသမီးကြီးပဲ
စစ်ဆေးပေးပါတယ်။ အားလုံးစုံနေအောင်လုပ်ထားလို့ ဘာမှမပြောပဲ ဒီစာရွက်ထပ်ကြီးကို တဖက်အဆောက်အအုံမှာရှိတဲ့ ဦးဆောင်
ညွှန်ကြားရေးမှူး (MD) ရုံးထိုင်ရာနေရာကိုသွားပို့ရပါမယ်လို့ပြောပါတယ်။ ဒီတော့ ကျနော်ကအဲ့ဒီကပြီးရင်ရောဆိုတော့ မနက်ဖန် ၁၁
နာရီလောက်ပြန်လာခဲ့ပါတဲ့၊ MD လက်မှတ်ထိုးပြီးလို့ပြန်ကျလာရင် နောက်ထပ်ဖြည့်စရာစာရွက်စာတမ်းတွေကျန်သေးတယ်ဆိုတော့
ကျနော်ကဘယ်လောက်လောက်ကြာမှာလဲဆိုတော့ ၅ ရက်ကနေ ၁၀ ရက်လောက်ကြာမယ်တဲ့။ ဒါဘဏ်စာရင်းဖွင့်တာပါပဲနော်။ စာရင်း
ဖွင့်ခွင့်ပြုပြီးတဲ့နောက်မှာ အဆင့်တွေကျန်သေးတယ်တဲ့ ဘာအဆင့်တွေလဲတော့ အတိအကျမမေးလာခဲ့တော့ပါဘူး။ ကျနော်ကWednesday ကိုပြန်မယ်လို့ပြောတော့ ဒီလိုဆိုရင်ထိုးစရာရှိတဲ့လက်မှတ်တွေထိုးထားခဲ့ပြီး Join Account နဲ့ထားခဲ့ပါတဲ့။ နောက်တော့
နောက်နေ့လက်မှတ်တွေထိုးတဲ့နေရာမှာလဲ ပထမပိုင်းမှာလိုအပ်တဲ့ စာရင်းပိုင်ရှင် (၂) ယောက်ကိုလဲခေါ်လာခဲ့ပါအုံးတဲ့ ဒီမှာသူတို့လဲထိုး
ရအုံးမယ်တဲ့။ အယ် ဟိုနေ့ကအဲ့လိုမပြောလိုက်ပါဘူး၊ ကျနော့်အတွက်စာရင်းပိုင်ရှင် (၂) ယောက်ကလဲ ပြည်တွင်းမှာရှိမနေပါဘူး။ ဒီတော့
ကျနော်ကအဲ့လိုဆိုအဆင်မပြေဘူးဆိုတော့ သူမက လမ်းကြောင်းအမှန်ကိုပြောပြမယ် ဒီမှာစီစဉ်ပေးလိုက်မယ် စာရင်းပိုင်ရှင် ၁ ယောက်
ကို တစ်သောင်းခွဲ၊ ၂ ယောက်ဆိုတော့ သုံးသောင်း၊ ကျွန်မအတွက်မပါသေးဘူးတဲ့။ နောက်နေ့ MD ရုံးခန်းကနေလျှောက်လွှာခွင့်ပြုချက်
ကျရင် ထိုးစရာရှိတဲ့လက်မှတ်တွေထိုးခဲ့ပြီး နိုင်ငံခြားပြန်မှာဆိုတော့မန်နေဂျာနဲ့ဝင်တွေ့ရမယ်၊မန်နေဂျာအတွက် ဒါးကြီးပါတိတ်တစ်ကွင်း
လောက်ယူခဲ့ပါတဲ့။ သောကြာနေ့ကထဲကအဲ့လိုပြောလိုက်ရင် ကျနော်လဲအချိန်ကုန်ခံပြီး အမှန်အကန်တွေလိုက်စုမနေတော့ဘူးပေါ့။ အခု
တော့ အချိန်တစ်ရက်ကုန်သွားတာပဲ အဖတ်တင်ပါတယ်။ ကျနော်လဲ ဒီလိုဆိုလဲ ပြီးရောပေါ့ အခုလျှောက်လွှာမှာ ထောက်ခံပေးတဲ့လူတွေ
နဲ့ နောက်နေ့ကျရင်လာပြီး လူကိုယ်တိုင်ထောက်ခံတဲ့သူမတူတော့ ဘယ်လိုလုပ်မလဲဆိုတော့ ရတယ်တဲ့ အခုလောလောဆယ် ဒီအတိုင်း
တင်လိုက်တဲ့။ ပြီးရောပေါ့ဆိုပြီး MD ရုံးပေါ်တက်ပြီး လျှောက်လွှာသွားပို့ပါတယ်။ လျှောက်လွှာမှာရေးရမယ့်ပုံစံကိုအောက်က Opeing
Section ကနေယူပြီးရေးသော်လည်းပဲ MD ရုံးခန်းရှေ့ကစာရေးက လျှောက်လွှာမှာ Company Name နဲ့ ရာထူးမပါလို့ပြန်ရိုက်ပါတဲ့။
ကျနော်ကအောက်ကရုံးခန်းက ရေးခိုင်းတဲ့အတိုင်းရေးတာပါဆိုတော့ တစ်ဘဏ်တစ်ဌာနထဲမှာတင်နော်မဟုတ်ဘူး သူပြောတဲ့အတိုင်းပြန်
ရိုက်ပေးပါတဲ့ မဟုတ်ရင်အဆင်မပြေနိုင်ဘူးတဲ့ဆိုတော့ ကျနော်လဲလက်လျှော့လိုက်ပြီး နီးစပ်ရာအင်တာနက်ဆိုင်သွား e-mail ထဲသိမ်း
ထားတဲ့လျှောက်လွှာပုံစံမှာပြန်ပြင်ရေးပြီး ပြန်သွားတာပေါ့။ အဲ MD အခန်းဝရောက်တော့ခုနကစာရေးမဟုတ်ပဲစာရေးမဖြစ်နေပြီး စာလေး
(၅) ကြောင်းလောက်ကို အခုမှဖတ်ဖူးတဲ့ ပုံစံနဲ့ (၅)မိနစ်လောက်ကြာအောင်ဖတ်ပြီးတစ်နေရာကိုလက်ညိုးထိုးပြီး ဒါကအဆင်မပြေဘူးတဲ့
ဘာလဲကြည့်လိုက်တော့ ကျနော်အလုပ်လုပ်တဲ့ Sankyu Singapore Pte Ltd ကိုရေးတဲ့နေရာမှာ Sankyu Singapore Pte ကအပေါ်
တစ်ကြောင်းနဲ့ Ltd က အောက်ကိုဆင်းသွားလို့ Company နာမည်ကိုစာကြောင်းတစ်ကြောင်းထဲမှာ မရေးလို့ မကြိုက်ဖူးတဲ့ စာရေးမ
ကပြောတယ်ဗျာ။ ကျနော်စာစီနေတုံးက သတိထားမိပေမယ့် ဒီလောက်ကတော့ ပြသနာမရှိပါဘူးလို့ထင်ပြီးမလုပ်လိုက်မိတာပါ။ ကျနော်
ဒီတခါတော့ သည်းမခံနိုင်တော့ပဲ ဘာမှမဟုတ်တာကိုအရေးတယူလုပ်မနေပါနဲ့လို့ဆိုပြီး ငြင်းခုံနေတုံး ခုနကစာရေးပြန်ရောက်လာပြီး ရပါပြီ ကိစ္စမရှိတော့ပါဘူးဆိုပြီးပြီးသွားပါတယ်။ စင်္ကာပူမှာနေတာကြာလာတာနဲ့အမျှ ပုံမှန်အတိုင်းလုပ်လိုပေမယ့်အခုလိုဘာမဟုတ်တဲ့ဟာ တွေကို ဇာချဲ့ပြီးလုပ်ခိုင်းတာတွေ၊ လက်ဖက်ရည်ဖိုးမပေးလို့တမင်ရစ်တာတွေ၊ မလိုအပ်တဲ့ ကြိုးနီစနစ်တွေနဲ့အချိန်ဆွဲလုပ်ဆောင်မှု တွေကိုတွေ့ရကြုံရတော့ မြန်မာအစိုးရရုံးတွေနဲ့ ပတ်သတ်ရမယ်ဆိုရင် ဝေးဝေးကပဲနေပါတော့မယ်လို့ စိတ်ကူးမိတော့တယ်ဗျာ။

ခုနကစာရွက်တထပ်ကြီးကို တင်ခဲ့ပြီးကာမှ Account Opening Section မှာ စုံစမ်းခဲ့တဲ့ အခြေအနေအရ သွင်းထားတဲ့ငွေ ၁ သောင်းက
နေမှ ကားဖိုးငွေချေတာတွေ၊ အကောက်ခွန်အတွက်အခွန်ပေးဆောင်တာတွေ စတာတွေကို အကုန်အသုံးပြုကြရမှာဖြစ်ပါတယ်တဲ့။
ဒါကြောင့်မို့လို့ သွင်းထားတဲ့ငွေကိုလဲ ဒီကားကိစ္စ မပြီးမချင်းပြန်ထုတ်ဖို့ရတော့ မလွယ်ကူလှပါဘူး။ ပြီးတော့ ဒီလောက်ရှုပ်ယှက်ခပ်တဲ့
မြန်မာအစိုးရရုံးများရဲ့ ကြိုးနီစနစ်တွေ၊ သတင်းအချက်အလက်မပြည့်စုံမှုတွေ၊ နိုင်ငံခြားမှာအလုပ်လုပ်တယ်ဆိုတိုင်း ငွေကြီး နင်းကန် တောင်းနေတဲ့ ဝန်ထမ်းတွေနဲ့ ဆက်ပြီးစိတ်ရှုပ်မခံနိုင်တော့တာကြောင့်လက်လျှော့ပြီး နောက်တစ်ရက်မှာ ပြန်ကျလာမယ့် လျှောက်လွှာ ခွင့်ပြုချက်ကိုတောင် သွားမယူတော့ပဲ လျှောက်လွှာသွားယူရမယ့်နေ့မှာ မယူတော့ပဲလေဆိပ်ကိုတန်းဆင်းပြီး ပြန်လာလိုက်တော့တယ်။

ဘဏ်ကိစ္စ မှာဆက်ပြီးလုပ်ဆောင်ချင်တဲ့ သူများအတွက်တော့ ခုနကပြောတဲ့အတိုင်း စာရွက်စာတမ်းတွေပြည့်စုံအောင်လုပ် (သို့မဟုတ်)
တောင်းသမျှငွေကိုပေးဖို့ယူသွားပြီး (၅) ရက်ကနေ (၁၀) ရက်အတွင်း စာရင်းဖွင့်လွှစ်ပြီး ငွေပေးသွင်းနိုင်ပါလိမ့်မယ်။ ဒီလိုငွေပေးသွင်းပြီး
ပြီဆိုရင်တော့ ပြည်ပအလုပ်သမားအေဂျင်စီကလိုအပ်တဲ့ စာရွက်စာတမ်းတွေနဲ့အတူ (၈)မိုင်ရုံးမှာ အလွယ်တကူလျှောက်လွှာတင်လို့ရ
ပါတယ်။ ကားပါစစ်ရဖို့ကတော့ အခွင့်အလမ်းအများကြီးရှိပါတယ်။ ပါမစ်ကိုပြန်ရောင်းဖို့အတွက်တော့ ထပ်ပြီးစုံစမ်းဖို့လိုပါလိမ့်မယ်။
ကျနော်တို့ကိုတင်သွင်းခွင့်ပေးတဲ့ မော်ဒယ်လ်က ၂၀၀၇ အထက်ဖြစ်တဲ့အတွက် အစိုးရကို အခွန်ဆောင်နှုန်းအလွန်ပဲမြင့်မားလှပါတယ်။
သို့သော် တစ်နေ့ရွှေတစ်နေ့ငွေ ဖြစ်နေတဲ့ မြန်မာအစိုးရရဲ့ ပေါ်လစီတွေကချက်ချင်းကြီး အခွန်နှုန်းထားတွေ လျှော့ချပေးချင်လဲပေးလိမ့်
မယ်လို့ သတင်းတွေလဲထွက်ပေါ်နေပါတယ်။ အခုလောလောဆယ်ကျနော်တို့ပါမစ်လိုဆင်တူပါမစ်မျိုးဖြစ်တဲ့ သင်္ဘောသားပါမစ်ဆိုရင်လဲ
သိန်း (၂၀) ကနေ (၂၅) သိန်းအထိပဲဈေးရှိနေပါတဲ့သတင်းလဲကြားမိလို့ ကိုယ်တိုင်ရန်ကုန်သွားလုပ်ရမယ့်ကိစ္စ(ဘဏ်စာရင်းဖွင့်ခြင်း)၊
အခွန်အကြေဆောင်ရမယ့် ပမာဏ၊ လေယာဉ်လက်မှတ်ခတွေနဲ့ တွက်ချက်လေ့လာပြီးသွားပါလို့ အကြံပြုလိုပါတယ်။

အပြန်ခရီးမှာတော့ တက်သုတ်ရိုက်လေဆိပ်ကိုဆင်းခဲ့ပေမယ့် လေယာဉ်ပေါ်မှာ ခုံအပို ၂၀ ကျော်ရှိနေတာကြောင့် Go Show ကိုအလွယ်
တကူရပြီး လိုချင်တဲ့ခုံကို လျှောလျှောလျှူလျှူပေး ပြုံးပြနှုတ်ဆက်ဖော်ရတဲ့ MAI မြေပြင်ဝန်ထမ်းနဲ့ကြုံတောင့်ကြုံခဲတွေ့ရပြီးတိုးတက်
လာတဲ့ ဝန်ဆောင်မှုကို ထိတွေ့အသိအမှတ်ပြုမိပါတယ်။ အချိန်အလွန်စောနေတာကြောင့် သက်တောင့်သက်သာ နားနေရအောင်
MAI ကဖွင့်ထားတဲ့ CIP Lounge ဖြစ်တဲ့ Sky Smile lounge ကိုသွားပြီး မြည်းစမ်းကြည့်ဖြစ်ပါတယ်။ US$ 8 ပဲကျသင့်ပြီး မဆိုးလှပါဘူး။
ရန်ကုန်မြို့ရဲ့ အဆင့်၊ ရန်ကုန်အပြည်ပြည်ဆိုင်ရာလေဆိပ်အဆင့်နဲ့ဆိုရင် အတော်လေးကောင်းတယ်ပြောရမှာပါ။ စားစရာ snack အဖြစ်
(၆) မျိုးလောက်ရှိပြီး၊ ဗိုက်ပြည့်ပြည့်စားချင်တယ်ဆိုရင်တော့ ထမင်းကြော်နဲ့ ကြက်ဥကြော်လဲရှိပါတယ်။ ကော်ဖီ၊ လက်ဖက်ရည်၊ အချို
ရည်များအပြင်၊ fruit juice မျိုးစုံနဲ့ မြန်မာဘီယာလဲရှိပါတယ်။ အညောင်းပြေထိုင်ဖို့အနိုပ်ထိုင်ခုံ၊ အင်တာနက်အတွက် Computer တွေ
လဲတွေ့ရပေမယ့် Wi-Fi တော့ လောလောဆယ်ဒေါင်းနေတယ်တဲ့ဗျာ။ သီးသန့်အိမ်သာပါ lounge ထဲမှာရှိပြီး ခန်းမကြီးထဲမှာ BAC က
စလို့ MAI ဖြစ်သည်အထိ သုံးစွဲခဲ့တဲ့ လေယာဉ်ဓာတ်ပုံတွေကိုပြသထားပြီး Bangkok Post, Straits Times စတဲ့ သတင်းစာကြီးတွေ၊
မြန်မာသတင်းဂျာနယ်တွေကအစ စုံစုံလင်လင် လေးတွေ့ရတဲ့အပြင် Lounge Staff တွေရဲ့ ဝန်ဆောင်မှုကိုလဲ အားရကျေနပ်မိပါရဲ့။
ရန်ကုန် - စင်္ကာပူ အပြန်ခရီးမှာတော့ ကျွေးမွေးဧည့်ခံတာက အလာတုံးကထက်အများကြီး ပိုမိုအစဉ်ပြေတဲ့အပြင် Crew ရဲ့ ဝန်ဆောင်မှု၊
ဘီယာခဏခဏတောင်းသောက်ပြီးဗူးလိုက်မချပေးလို့ပြသနာရှာတဲ့ခရီးသည်အဖိုးကြီးတစ်ယောက်ကို ဖြေရှင်းကိုယ်တွယ်တဲ့နေရာမှာလဲ
တော်တယ်လို့ချီးကျူးရမှာပါ။ ချန်ဂီအဆင်းမှာလဲ နောက်ဘီးချတာ ငြင်သာလှတဲ့ အပြင် flight information ကိုထုံးစံအတိုင်း တက်ပြီး
တခါ ဆင်းခါနီးတခါ ရှင်းပြတဲ့ Captain စိုးမိုး ရဲ့ကျွမ်းကျင်မှုကိုလဲ အသိအမှတ်ပြုပါတယ်။ Overall ပြောရရင်တော့ အမိမြန်မာနိုင်ငံအလံ
တင်လေကြောင်းလိုင်းဟာ အရင်ကထက်စာရင် အများကြီးတိုးတက်လာပါတယ်။

ရန်ကုန်ကိုရောက်ပြီး နောက်တစ်ရက်မှာပဲ သတင်းကောင်းအဖြစ် မြန်မာအစိုးရက နိုင်ငံရေးအကျဉ်းသမားတွေကိုလွှတ်ပေးခဲ့တဲ့အပြင်
ဗိုလ်ချုပ်ကြီးဟောင်း ဘဘကြီး ဦးခင်ညွှန့်နှင့်မိသားစုကိုလဲ လွှတ်ပေးခဲ့တဲ့အတွက် အလွန်ပဲဝမ်းမြောက်ဝမ်းသာဖြစ်မိပါတယ်။ အခုလို
တိုးတက်ပြောင်းလဲမှုတွေရဲ့ ရလဒ်တွေအဖြစ် နိုင်ငံတကာရဲ့စီးပွားရေးပိတ်ဆို့မှုတွေ တစတစ ရုပ်သိမ်းလာပြီး အမိမြန်မာနိုင်ငံပိုမိုဖွံဖြိုး
တိုးတက်စေချင်ပါကြောင်းပြောကြားရင်း ကျနော့်ပိုစ့်ကို နိဂုံးချုပ်ပါတယ်။    ။

SOL

  

                                                                  ref;  myanmar in S'pore