စောင့်လေမျိုးနွယ်”

စောင့်လေမျိုးနွယ်”
အမရဒီပ--13,4,2011

အခု ကိုယ့်အရွယ်က ကျောင်းသုံး ဗလာစာအုပ်သုံးတဲ့ အရွယ်မဟုတ်တော့တာမို့ လက်ရှိ ကျောင်းသုံး ဗလာစာအုပ် နောက်ကျောမှာ မိဘကျင့်ဝတ်၊ သားသမီးကျင့်ဝတ်၊ ဆရာကျင့်ဝတ်၊ တပည့် ကျင့်ဝတ်စသည့် စသည့် ဆောင်ပုဒ် ကဗျာတွေ ပါ၊မပါ အတိအကျ မသိပါ။
လွန်ခဲ့ပြီး အနှစ် ၂၀ ကျော် လောက်က ကျောင်းသုံးဗလာစာအုပ်တွေမှာ အမြဲတစေ တွေ့ရလေ့ရှိတဲ့ စာသားတွေဖြစ်တယ်ဆိုတာ ကောင်းကောင်း အာမခံ နိုင်ပါသည်။

ကျောင်းသုံးဗလာစာအုပ်ပါ မိဘကျင့်ဝတ်စသော ကဗျာများကို မင်းတုန်းမင်းခေတ်တွင် ပေါ် ထွန်းတော်မူခဲ့သော သင်္ဂဇာဆရာတော်ကြီး ရေးသားခဲ့ပြီး မူရင်းမှာ မြတ်စွာဗုဒ္ဓက သိင်္ဂါလအမည်ရှိ အမျိုးသားကို ဟောကြားခဲ့သော ဒီဃနိကာယ်၊ ပါထိက၀ဂ်ပါဠိတော်လာ သိင်္ဂါလောဝါဒသုတ္တန်ဖြစ် သည်ဟု သိရပါသည်။

"စောင့်လေမျိုးနွယ်" ဖြစ်လာရပုံအကြောင်း ပြောချင်သည်။

မိတ်ဆွေကြီး ကိုမောင်မောင်၏ အဖေနာရေး အခမ်းအနားသို့ တက်ရင်း မိသားစု အကြောင်း ပြောဖြစ်ကြသည်။
မိသားစုအကြောင်းဆို တော့ အမေ၊ အဖေ အကြောင်းကအစ၊ ညီအကို မောင်နှမအလယ်၊ တူ၊ တူမ၊မြေးအထိ ရောက်သည်။
ထို့ပြင် မြန်မာမှုနယ်ပယ်ရှိ ၊ ပစ္စုပ္ပန်မှာလည်း သားသမီးနေရာ ရောက်နေသည့် အတွက် သားသမီးကျင့် ၀တ်အကြောင်း ရောက်သွားသည်။

သားသမီးကျင့်ဝတ်များမှာ-----------------------------------------
၁။ မိဘကို လုပ်ကျွေးခြင်း
၂။ မိဘတို့၏အမှုကိစ္စကို ဆောင်ရွက်ခြင်း
၃။ မိဘမျိုးနွယ်ကို စောင့်ထိန်းခြင်း
၎။ အမွေခံထိုက်အောင် ပြုကျင့်ခြင်း
၅။ မိဘအတွက် ကုသိုလ်ကောင်းမှုပြု၍ အမျှဝေခြင်း--------------------------------တို့ဖြစ်ကြသည်။

သင်္ဂဇာဆရာတော်ကြီး၏အတိုချုပ်ကဗျာမှာ --
"ကျွေးမွေးမပျက်၊ ဆောင်ရွက်စီမံ၊
မွေခံထိုက်စေ၊ လှူမျှဝေ၍၊
စောင့်လေမျိုးနွယ်၊ ၀တ်ငါးသွယ်၊
ကျင့်ဖွယ်သားတို့တာ" ဟူ၍ ဖြစ်သည်။

ကိုမောင်မောင်က သူ့အတွေးကို တင်ပြလာသည်။
" ကျနော်က ကျွေးမွေးမပျက်တာ၊ ဆောင်ရွက်စီမံတာ၊ မွေခံထိုက်စေတာ၊ လှူမျှ ဝေတာတွေ မချွတ်ယွင်းတာ သေချာ ပါတယ်ဗျာ။

သို့သော် "စောင့်လေ မျိုးနွယ် "အတွက် ကျနော်က လူပျိုကြီးဖြစ် နေတော့ ဒီဝတ္တရားမကျေဘူး ဖြစ်နေတယ်လို့ မြင်တယ်ဗျာ" ကိုမောင်မောင်ပြောတော့မှ လွန်ခဲ့သော သုံးနှစ်ကျော်ခန့်က မိတ်ဆွေတဦး ပြောပြတာကို အမှတ်ရမိသည်။
"ဒီကနေ့ခေတ်မှာ ဗုဒ္ဓဘာသာ ဗမာ တယောက်ဟာ အမေရိကန်လူမျိုးနဲ့ အိမ်ထောင်ပြု တာရှိတယ်၊ တရုတ် ကုလားနဲ့ အိမ်ထောင်ပြုတာရှိတယ်ဗျာ၊ အဲဒါဟာ စောင့်လေမျိုးနွယ် ဆိုတာနဲ့ ညီ၊ မညီ စဉ်းစားသင့်တယ်ဗျာ"

မိတ်ဆွေကိုမောင်မောင်က သူကိုယ်တိုင် မျိုးဆက်သစ် မထားနိုင်ခြင်းကို "စောင့်လေမျိုးနွယ်" နှင့် မညီညွတ်ဟု ယူဆသည်။ အခြားမိတ်ဆွေတဦးက လူမျိုးခြားနှင့် အိမ်ထောင် ပြုခြင်းကို "စောင့်လေ မျိုးနွယ်"နှင့် မညီညွတ်ဟု ယူဆနေသည်။

မည်သို့ပင်ဖြစ်စေ သူတို့၏ စဉ်းစားတွေးမြင်မှုများသည် "စောင့်လေမျိုးနွယ်"ဆိုသော စကားမှ ပေါက်ဖွားလာသော အရာများသာ ဖြစ်ချေသည်။

သို့သော် အကြမ်းဖျင်းစဉ်းစားကြည့်လျှင်ပင် ဗုဒ္ဓဘာသာသည် လူတဦးတယောက် အိမ်ထောင် ပြုခြင်း၊ မပြုခြင်းအတွက် သတ်မှတ်ထားချက်၊ လူမျိုးရေးအရ အိမ်ထောင်ဖက်သည် ဘာဖြစ်ရမည် ညာ ဖြစ်ရမည်ဟု သတ်မှတ်ထားချက် ကင်းရှင်းကြောင်း သံသယဖြစ်ဖွယ်မလိုပေ။

သို့သော် "အမျိုးအနွယ်ကို စောင့်ထိန်းရမည်"ဟူသော အဓိပ္ပါယ်ဆောင် စကားလုံး"စောင့်လေမျိုးနွယ်" အတွက်ကား များစွာ အလေးထားရပါမည်။
နားလည်ရခက်သောစကားလုံးများသည် သဘောတရား ကြည်လင်မှု အတွက် အနှောင့်အယှက် ဖြစ်စေပါသည်။

သို့ဖြစ်ပေရာ မူရင်းအဆိုကို လေ့လာရပေတော့မည်။

မူရင်း သိင်္ဂါလသုတ္တန်ပါဠိတော်တွင် "စောင့်လေမျိုးနွယ်"အတွက် " ကုလ၀ံသံ ဌပေဿာမိ= အမျိုးအနွယ်ကို တည်စေအံ့" ဟု တွေ့ရသည်။

မြန်မာကဗျာ "စောင့်လေမျိုးနွယ်"=ပါဠိဘာသာ"ကုလ၀ံ သံ ဌပေဿာမိ"--------။
ဤမျှလောက်ဖြင့် ရှင်းလင်းပြတ်သားစွာ မသိနိုင်သေးပါ။
ပါဠိတော်အဆင့် ကို နားမလည်နိုင်သေးလျှင် ဘာဆက်လုပ်ရမည်နည်း----။

လယ်တီဆရာတော်လောင်း ဦးဇင်းငယ်ကို ယောမင်းကြီးဦးဖိုးလှိုင် ပေးသည့် အကြံပြုချက်ကို အသုံးချရ ပေတော့မည်။
ယောမင်းကြီးက လယ်တီဆရာတော်လောင်းဦးဇင်းကို "အရှင်ဘုရား-- ပါဠိတော်ဖတ်လို့ နားမလည်ရင် အဋ္ဌကထာ ဖတ်ပါ၊
အဋ္ဌကထာဖတ်လို့ နားမလည်သေးရင် ဋီကာဖတ်ပါ။

ပါဠိတော်၊ အဋ္ဌကထာ၊ ဋီကာဖတ်လို့မှ စာမတတ်သေးဘူး ထင်ရင် ပါဠိစာလုံး တလုံး (ဥပမာ- နိယာမ၊ ဒါန ၊၀ိပဿနာ) ကို မူတည်ပြီး ကိုယ်တိုင် ကျမ်းပြုပါ" ဟု လမ်းညွှန်ခဲ့လေသည်။
ယောမင်းကြီးနည်းအတိုင်း ပါဠိတော်ကို နားမလည်သေးသည့် အတွက် အဋ္ဌကထာ အကူအညီ ယူရပေ တော့မည်။

အဋ္ဌကထာက "စောင့်လေမျိုးနွယ်=ကုလ၀ံသံ ဌပေဿာမိ"၏အဓိပ္ပါယ်ရှင်းပြပုံမှာ-------
"ကုလ၀ံသံ ဌပေဿာမိ"ဟူသည် မိဘပိုင်ဆိုင်သော လယ်ယာမြေ ရွှေငွေစသည် များကို မဆုတ်ယုတ် စေဘဲ ဆွေစဉ်မျိုးဆက် တည်တံ့အောင် ထိန်းသိမ်းခြင်းသည် မျိုးနွယ်ကို စောင့်သည်မည်၏။

မိဘတို့မတရားကျင့်သုံးသော အစဉ်အလာကို ပြုပြင်ကာ တရားကျင့်သုံးသော အစဉ်အလာ ဖြစ်အောင် ပြုလုပ်ခြင်း၊ မိဘစဉ်ဆက် ပြုလုပ် လာခဲ့သော စာရေးတံမဲချကာ ဆွမ်းကပ်ခြင်း စသည်တို့ကို (ကိုယ့်အလှည့် တွင် မဖျက်သိမ်း ပစ်ဘဲ) ဆက်လက် ပြုလုပ်ခြင်း သည် မျိုးနွယ်ကို စောင့်သည် မည်၏။" ဟူ၍ဖြစ်သည်။

အဋ္ဌကထာရှင်းလင်းချက်အရ အိမ်ထောင်မပြုဘဲ အပျိုကြီး၊ လူပျိုကြီးဘ၀ဖြင့်နေထိုင်ခြင်း၊ လူမျိုးခြားနှင့် အိမ်ထောင် ပြု ခြင်း တို့ကို "စောင့်လေမျိုးနွယ်"="ကုလ၀ံသံ ဌပေဿာမိ" ဟု မဆိုလို ကြောင်း သိသာ သွားပါပြီ။

မိဘအမွေပစ္စည်းတွေကို ထိုင်ဖြုန်းတာ၊ မိဘတို့၏ ချွတ်ယွင်းချက်ကို မပြုပြင် နိုင်တာ၊ မိဘတို့ပြုလုပ် သွားသော ကောင်းမှုလုပ်ငန်းတွေကို ဆက်လက် မထိန်းသိမ်း တာတို့သည် အမျိုး အနွယ်ကို မစောင့်ရှောက်သူ မည်ပေသည်။

တသက်လုံး လူပျို၊ အပျိုအဖြစ်ဖြင့်နေထိုင်ခြင်းကို ကိုယ်ရေးကိုယ်တာနှင့် သက်ဆိုင်နေသည့်အ တွက် ဆက်လက် မဆွေးနွေးတော့ဘဲ အိမ်ထောင် ပြုလိုသူများအတွက် အိမ်ထောင်မပြုခင် စဉ်းစားရမည့် (ဘုရားဟော မဟုတ် သော) အချက်အလက်တို့ကို ပြောလို ပါသည်။

အိမ်ထောင်ပြုတော့မည်ဟု ဆုံးဖြတ်ထားလျှင် "ကွာ ၃ ကွာ၊ ပါ ၃ ပါ၊ ချာ ၃ ချာ" ကို ရှောင်ပါ-ဟု လူကြီးသူမများ အကြံပြုကြသည်။

ကွာ ၃ ကွာမှာ------------------------------------------------
၁။ တိုင်းပြည်နှင့် လူမျိုးကွာခြားခြင်း
၂။ အယူဘာသာကွာခြားခြင်း
၃။ စိတ်နေသဘောထားခြင်းကွာခြားခြင်း----တို့ဖြစ်သည်။

ချာ ၃ ချာမှာ------------------------------
၁။ အသိပညာနုံချာခြင်း
၂။ စီးပွားရေးနုံချာခြင်း
၃။ လူမှုရေးအသိနုံချာခြင်း---------တို့ဖြစ်သည်။

ပါ ၃ ပါမှာ -------------------------------------------
၁။ (နာတာရှည်)အနာရောဂါပါခြင်း
၂။ အကြွေးပါခြင်း
၃။ အပိုစားမည့်သူ (လူပိုတွေ) ပါခြင်း------------တို့ဖြစ်သည်။

"စောင့်လေမျိုးနွယ်"ဆိုသောစကားလုံးသည် သူ့ခေတ်သူ့အခါက အလွယ်တကူနားလည်လွယ် သော စကားလုံး ဖြစ်ကောင်းဖြစ်ပါမည်။ အခုအခါတွင်ကား နားလည်မှုလွဲနိုင်သော စကားလုံးဖြစ်လာပြီ ဆိုသည့်အချက်ကို တွေ့ကြုံရ ပါသည်။
ကျယ်ပြန့်စွာ လေ့လာမှု မပြုထားလျှင် နောင်တွင် ရှုပ်ထွေးဖွယ်ရှိ နိုင်ကြောင်း သတိပေး တင်ပြပါသည်။

အမရဒီပ
13/4/2011