မြန်မာ့ဆက်သွယ်ရေး စာတိုက်နဲ့ ကြေးနန်းဝန်ကြီးဌာနက ADSL အင်တာနက်လိုင်းကို ကျပ်ငါးသိန်းနဲ့သည် နှစ်မကုန်ခင်မှာ ချထားပေးဖို့ စီစဉ်ထားတယ်လို့ MPT မှ တာဝန်ရှိသူတစ်ဦးထံမှ သိရပါတယ်။ မြန်မာ့ဆက်သွယ်ရေး စာတိုက်နဲ့ ကြေးနန်းဝန်ကြီးဌာနမှ တာဝန်ရှိသူက “ADSL အင်တာနက်လိုင်းကို ငါးသိန်းနဲ့ ချထားပေးနိုင်ဖို့စီစဉ်နေပါတယ်၊ ဒီနှစ် အတွင်းမှာပဲ ချထားပေးမှာပါ၊
လိုင်းကြေးအပြင် လစဉ် ကြေးတွေကိုပါ လျှော့ချထားပေးသွားမှာဖြစ်တယ်” လို့ ပြောပါတယ်။ ADSL အင်တာနက်လိုင်းကို ၂၀၀၆ မှာ စတင်ချထားပေးခဲ့ပြီး လိုင်းကြေးကျပ် ၁၄ သိန်းပေးသွင်းရတာဖြစ်တယ်လို့ သိရတယ်။ အင်တာနက်ပိုမို အသုံးပြုနိုင်အောင် အင်တာနက်လိုင်းကြေးကို လျှော့ချပေးမှာဖြစ်တယ်လို့ တာဝန်ရှိသူကပဲ ဆက်ပြောပါတယ်။ လက်ရှိမှာတော့ ADSL အင်တာနက်လိုင်းကြေးကို ၁၄ သိန်းနဲ့ ဆက်ချထားပေးနေဆဲဖြစ်ပြီး နှစ်စဉ်ကြေးက ၅၀,၀၀၀၊ မိုဒမ်း အသုံးပြုခ ၁၀၀,၀၀၀နဲ့ လစဉ်ကြေးတွေကတော့ အင်တာနက် မြန်နှုန်းအလိုက် ကျပ် ၃၀,၀၀၀ ကနေ ကျပ် ၂၀၀,၀၀၀ အထိ အစားစားရှိတယ်လို့ သိရပါတယ်။ လစဉ်ကြေးတွေကိုတော့ ဘယ်လောက်ထိ လျှော့ချပေးမယ်ဆိုတာကိုတော့ မသတ်မှတ်ရသေးဘူးလို့ သိရပါတယ်။ ADSL အင်တာနက် မြန်နှုန်းကတော့ ၂၅၆ kbps ကနေ ၂၀၄၈ kbps အထိ ငါးမျိုးရှိတယ်လို့ သိရပါတယ်။ သည် ADSL လိုင်း အပြင်တခြားပုဂ္ဂလိက ကချပေးမယ့် အင်တာနက်လိုင်းတွေကို လည်း အရင်ထက်လျှော့ချပြီးရောင်း ချပေးသွားမှာဖြစ်တယ်လို့ တခြား ပုဂ္ဂလိက ကုမ္ပဏီတွေမှ စုံစမ်းသိရှိရကြောင်း ၂၀၁၁ ခုနှစ် ဇူလိုင် ၁၅ ရက်နေ့ထုတ် မော်ဒန် ဂျာနယ်တွင် ဖော်ပြထားပါသည်။
ကျွန်တော် ဂျော်ဒန်ကိုခဏရောက်နေလို့  ပို့ အသစ်များ မတင်နိုင်သေးပါ အားပေးကြတဲ့ သူငယ်ချင်းတွေကိုတောင်းပန်ပါတယ် ..လာရောက်လည်ပတ်ကြတဲ့
သူငယ်ချင်း အားလုံးကို အထူးကျေးဇူးတင်ရှိပါတယ်..
No comments:
Post a Comment