အလုပ်လုပ်ရင်း ပညာသင် လိုသည့် ကျောင်းသား များအတွက် ဗြိတိန်ကို ရွေးသင့် သေးလား

Saturday, 09 July 2011 00:00

7Day News Journal

“ကျွန်တော် လာခဲ့ တုန်းကလို ပုံစံမျိုးနဲ့ လာမယ့် ကျောင်းသား တွေအတွက် အခု အဆင်မပြေ တော့ပါ ဘူး”ဟု ပြောလာ သူမှာ ဗြိတိန် နိုင်ငံတွင် ၁၂နှစ်ကြာ ရောက်ရှိနေသော ကိုဧရာထွဏ်း ဖြစ်သည်။ ကျောင် သား ပြည်ဝင် ခွင့် လွယ်ကူ အဆင်ပြေ နေချိန်တွင် အလုပ်အကိုင် ရည်ရွယ်ချက်ဖြင့် ကျောင်းသား အသွင် လည်း တစ်ဦး အပါ အဝင် ဖြစ်ခဲ့သည်။ မြန်မာနိုင်ငံ အပါအဝင် နိုင်ငံတကာမှ ရွှေ့ပြောင်း အလုပ်သမား များသည် အလုပ်သမား ဗီဇာရရှိရန် ခက် ခဲသော ဖွံ့ဖြိုးတိုးတက် သည့် နိုင်ငံများ ဆီသို့ ကျောင်း သားများအသွင်ဆောင်၍ ပြည်ဝင်ခွင့် ရရှိရန် ကြိုးပမ်း ခဲ့ကြသည်။

ကျောင်း တက်နေစဉ်တွင် အလုပ်လုပ်ကိုင် ခွင့် နှစ်ကာလ အကန့်အသတ် မရှိ ကျောင်းသား အဖြစ် နေထိုင်ခွင့်၊ ကျောင်းပြီး ဆုံးချိန်တွင် ၂နှစ် ဆက်လက် နေထိုင်ခွင့်၊

 ကျောင်းသား ပြည်ဝင်ခွင့် အဆင်ပြေ နေ မှု၊ လူ့အခွင့် အရေး စသည့် အထွေထွေသော အခွင့်အ လမ်းများ တည်ရှိမှုကြောင့် ပြည်ပ နိုင်ငံတွင် အခြေချနေ ထိုင် အလုပ်လုပ် ကိုင်လိုသော ကျောင်းသား တိုင်း အတွက် ဗြိတိန် နိုင်ငံသည် ထိပ်ဆုံးမှ ရပ်တည်နေခဲ့ သည်။

“မြန်မာနိုင်ငံမှာ ကိုယ်ရေး ကိုယ်တာကိစ္စတစ်ခု ကြောင့် အဆင်မပြေဖြစ်နေချိန် ဒီကို အရင်ရောက်နေ တဲ့ သူငယ်ချင်းက ယူကေကို ကျောင်းသား ဗီဇာနဲ့လာ ချင်ရင်လွယ်တယ် ဆိုတာနဲ့ ရောက်လာတာပါ။ ကျွန် တော် ယူကေကို ကျောင်းသား ဗီဇာနဲ့ ၁၉၉၉ ခုနှစ်မှာ ရောက်တယ်။ ဗီဇာကို တော်တော် လွယ်လွယ် ကူကူနဲ့ ရခဲ့တာပါ”ဟု အထက်ပါပုဂ္ဂိုလ်ကဆိုသည်။ အလုပ်အကိုင် ရည်ရွယ်ချက်ဖြင့် ရောက်ရှိလာ သော ကျောင်းသား အများစုဖြစ်သော ကြောင့် တရား ဝင်အလုပ် လုပ်ကိုင်ခွင့် တစ်ပတ်လျှင် နာရီ ၂၀ထက် ပို မို၍ လုပ်ငန်းခွင် ဝင်ရောက် နေခဲ့ကြသည်။ ဗြိတိန်နိုင်ငံ မှ အမည်ခံ တက္ကသိုလ်၊ ကောလိပ်ကျောင်းများသည် ကျောင်းလခ ရရှိရေး ကိုသာ ဦးတည်နေခဲ့သလို ကျောင်း သားများသည်လည်း ဒီပလိုမာသင်တန်းများကို နှစ် ကာလ ကြာရှည်စွာ တက်ရောက်ရင်း ကျောင်းသား ဗီဇာဖြင့် အလုပ်လုပ်ကိုင်နေကြလျက်ရှိကြသည်။

“လန်ဒန် ရောက်တော့ ကျွန်တော် အပ်ခဲ့တဲ့ ကျောင်းက အမည်ခံကျောင်းဖြစ်နေတယ်လေ။ ဒါပေ မဲ့ ဖောင်ဖျက် သလိုလုပ်ပြီး ထွက်လာတာ ဖြစ်နေတယ်။ ဒီမှာ ဆက်နေဖို့ကလည်း သိပ်ပြီး တင်းတင်းကျပ်ကျပ် မဟုတ်တော့ အဆင်ပြေ တာနဲ့ ဆက်နေ ဖြစ်သွားတာ ပါ။ ကျွန်တော်တို့ရောက်စအချိန်က ယူကေမှာ စီးပွား ရေး ပြန်လည် စန်းပွင့် ချိန်ဆိုတော့ အလုပ် ကလည်း အရမ်းပေါပါတယ်။ ကျောင်းသားဗီဇာနဲ့ နေတဲ့သူတွေ က တစ်ပတ် နာရီ၂၀ပဲ အလုပ်လုပ် ခွင့်ရှိတယ်ဆိုပေ မယ့် သိပ်ပြီး တင်းတင်းကျပ်ကျပ်ကြီးမရှိတော့ အလုပ် ရှင်တွေက နာရီ ပိုလုပ် ချင်ရင် လုပ်ခွင့်ပေး ကြပါတယ်။ တစ်ခါတစ်ရံ သူတို့လူလိုလို့ ကိုယ်က မလုပ်ရင်တောင် စိတ်ဆိုးကြ ပါသေး တယ်”ဟု ဗြိတိန်ရောက်ခါစ အခြေ အနေအား ကိုဧရာထွဏ်းကရှင်းပြသည်။ ယင်းကဲ့သို့ အခြေအနေ များမှ ကမ္ဘာစီးပွားရေး အကျပ်အတည်း ကာလ ၂၀ဝ၉ခုနှစ်၊ မတ်လနောက် ပိုင်း ဗြိတိန်ကျောင်းသား ပြည်ဝင်ခွင့် မူဝါဒ အပြောင်း အလဲကြီးမားစွာဖြစ်ပေါ်လာခဲ့သည်။

တီယာဖိုးခေါ် အမှတ်ပေးစနစ်ကိုအခြေခံသော ကျောင်းသား ပြည် ဝင်ခွင့်ပုံစံကို စတင်ကျင့်သုံးခဲ့သည်။ ကျောင်းလခနှင့် နေထိုင် စားသောက်စရိတ်အား ဘဏ်ငွေစာရင်း ၂၈ ရက် ပြသမှုအတွက် ၁၀မှတ်၊ ပညာ အရည် အချင်းနှင့် ကျောင်းဝင်ခွင့်(CAS) ရရှိမှုအတွက် အမှတ်၃၀၊ စုစု ပေါင်း အမှတ်၄၀ရရှိပါက ကျောင်းသား ပြည်ဝင် ခွင့်ရ ရှိခဲ့ကြသည်။ ထိုအပြောင်းအလဲသည် ဗြိတိန် နိုင်ငံသို့ နိုင်ငံတကာ ကျောင်း သားသွားရောက်မှု တစ်ဟုန် ထိုး မြင့်တက် သွားစေခဲ့သလို မြန်မာ ကျောင်းသားများသည်လည်း ယင်းနိုင်ငံသို့ အမြောက်အမြား ရောက်ရှိ သွားခဲ့ကြသည်။ ဗြိတိန် နိုင်ငံသို့ရောက်ရှိရန် နည်းလမ်း အမျိုးမျိုးဖြင့် ဝန်ဆောင်မှုပေး သော ပညာရေး အေဂျင်စီများ သိသိသာသာ တိုးပွား လာခဲ့သည်။

၁၀ မှတ်ရရှိမည့် ကျောင်းသားများ၏ ဘဏ်ငွေစာရင်း ၂၈ ရက် စာအ တွက် အတိုးဖြင့် ချေးခြင်း၊ အတုပြု လုပ်ခြင်း၊ အမှတ် ၃၀ရရှိမည့် ကျောင်းဝင်ခွင့်(CAS) အတွက် အ မည်ခံကျောင်း များနှင့် ပြည်တွင်း မှ အေးဂျင့် အချို့ ပူးပေါင်း၍ အဆင် ပြေချောမွေ့စွာ ဆောင်ရွက်ခဲ့ကြ သည်။ ကျောင်းသားပြည်ဝင်ခွင့် များ လွယ်ကူ ခဲ့မှုနှင့် ပတ်သက်၍ “အဲဒီ့တုန်းက ကောက်ညှင်း ပေါင်း သည်ပါ ယူကေရောက်သွားတယ်။ အဲဒီ့ ကောင်မလေး က ငွေစု ထားပြီး သွားတာလေ။ ကျပ်သိန်း ၇၀၊ ၈၀ ဆို ယူကေရောက်တယ်”ဟု အလုပ် လုပ်ကိုင် လိုသည့် ကျောင်း သား များအား ဗြိတိန်သို့ပို့ဆောင်ပေး နေသောအေဂျင်စီတစ်ခု၏ မန် နေဂျင်း ဒါရိုက်တာ ကပြော သည်။ ၂၀၁၀ နောက်ပိုင်းတွင် ယူကေ ကျောင်းသား ပြည်ဝင် ခွင့်အတွက် မူဝါဒ အသစ်အချို့ ထုတ်ပြန် ခဲ့သလို စိစစ် တင်းကျပ် မှုများလည်း ထင်ရှားလာခဲ့သည်။

အဓိက အနေဖြင့် ၎င်းနိုင်ငံရှိ အ မည်ခံကျောင်း များကို တိုက်ဖျက်ခဲ့ ခြင်းဖြစ်ပြီး နိုင်ငံတကာကျောင်း သား လက်ခံ နိုင်မည့်ကျောင်းများ ကို အဆင့်များခွဲခြားထုတ်ပြန်ခဲ့ ခြင်းဖြစ်သည်။ ယခင်ကဲ့သို့ ကျောင်း ဝင်ခွင့် (CAS) အားလွယ်လွယ်ကူ ကူမရရှိနိုင်တော့ ခြင်းဖြစ်ပြီး ကျောင်း သားများ၏ အင်္ဂလိပ်ဘာသာစ ကားကျွမ်းကျင်မှုကို လည်းပိုမိုစစ် ဆေးလာခဲ့သည်။ ကျောင်းသားပြည်ဝင်ခွင့်ကို ကိုင်တွယ်သော ယူကေ ဘော်ဒါ အေဂျင်စီသည် ၎င်းတို့နိုင်ငံမှ အမည်ခံကျောင်းများကို နှိမ်နင်း နေရာမှ ၂၀၁၁ ခုနှစ်တွင် နိုင်ငံတ ကာကျောင်းသား များဘက်သို့ ခြေ လှည့်လာခဲ့သည်။ ပညာအမှန် တကယ် သင်ယူရန် လာရောက် သောကျောင်းသား များကိုသာ လက်ခံမည်ဖြစ်ပြီး အလုပ်လာလုပ် သည့် ကျောင်းသားများကို ရှာ ဖွေဖော်ထုတ် သွားမည်ဖြစ်ကြောင်း ပေါ်ပေါ်ထင်ထင်ကြေညာခဲ့ သည်။

ထို့သို့ ဆောင်ရွက်ရာတွင် ယူ ကေသို့လာရောက်မည့်ကျောင်းသား များကို စိစစ်နေရုံသာမက ယူကေ တွင်ရောက် ရှိနေသော ကျောင်း သားများကိုပါ တရားမဝင်အလုပ် လုပ်ကိုင်နေခြင်းရှိ၊ မရှိလိုက်လံစစ် ဆေးခြင်း၊ ကျောင်းသား ဗီဇာသက် တမ်းတိုးရာတွင် တစ်စုံတစ်ရာ အမှားအယွင်းတွေ့ရှိပါက နေထိုင် ခွင့်ဖျက် သိမ်း ခြင်း၊ တရားမဝင်နေ ထိုင် အလုပ်လုပ်ကိုင်သူများကို လည်း ဈေးဆိုင်များတွင် လိုက်လံ ရှာဖွေ ဖမ်းဆီး လျက်ရှိ သည်။ ယူ ကေဘော်ဒါ အေဂျင်စီ၏ သတင်း ထုတ်ပြန်ချက်အရ အသက် ၃၀ ကျော် မြန်မာ လူမျိုး တစ်ဦး သည် လည်း တရားမဝင် နေထိုင်အလုပ် လုပ်ကိုင်မှုဖြင့် လမ်းဘေးဈေးဆိုင် တစ်ခု၌ ဖမ်းဆီးရမှု တွင်ပါဝင်ခဲ့ ကြောင်း သိရ သည်။ “တစ်ခါမှ မကြား ဖူးဘူး။လူ့ အခွင့်အရေးအပြည့်အဝ ရှိတယ် ဆိုတဲ့ နိုင်ငံကြီး က ဘူတာရုံရော၊ ပွဲဈေးတွေမှာ လိုက်ဖမ်း နေတယ်။ ကျောင်းသားဗီဇာသွားတိုးရင် ပြန်ပို့ခံရမှာ ကြောက်လို့ မြန်မာ ကျောင်းသား တွေ overstay (တရားမဝင် နေထိုင်မှု) ဖြစ်တဲ့သူရှိ တယ်၊ နိုင်ငံရေး ခိုလှုံတဲ့ သူတွေ များလာ တယ်”ဟု သက်တမ်း ရင့် ယူကေ ပညာရေး အေဂျင်စီတစ်ခု ကပြောသည်။

လက်ရှိ စာရင်းကိုင်ပညာ သင်ယူနေသော ကျောင်းသူတစ် ဦးကလည်း စာသင်ခန်းတွင် ပညာ သင်ယူရချိန်များ ၍ အချိန်ပိုင်း အလုပ်လုပ်ကိုင်လျှင် စာမေးပွဲ အောင်မြင်ရန်ခက်ခဲကြောင်း၊ စာ မေးပွဲကျရှုံးပါက ကျောင်းလခ ဆုံး ရှုံးမည့်အပြင် ဗီဇာသက်တမ်းတိုး ပါက အခက်အခဲရှိနိုင်၍ ကျောင်း ပိတ်ရာသီကာလတွင်သာ အလုပ် လုပ်ကိုင်ရန် ရည်ရွယ် ထားကြောင်း အွန်လိုင်းမှတစ်ဆင့်ပြောသည်။ ယူကေကျောင်းသားပြည်ဝင် ခွင့်မူဝါဒ အပြောင်း အလဲများ သည် ပြီးဆုံးခြင်းမရှိသေးပေ။ ယခု နောက်ဆုံး ထုတ်ပြန်လိုက်သော အပြောင်းအလဲ များသည် အလုပ် လုပ်ကိုင်ရန် ကြံရွယ်နေသော ကျောင်းသားများသာမက အမှန် တကယ်ပညာသင်ယူ၍ ကျောင်း ပြီးဆုံး ချိန်တွင်မှ အလုပ်လုပ်ကိုင် မည့်ကျောင်းသားများ အတွက်ပါ သက်ရောက်မှုရှိနေပြီဖြစ်သည်။

ကျောင်းသားတရားဝင် အလုပ် လုပ်ကိုင်ခွင့်နှင့်ပတ်သက်၍ တက္က သိုလ်တက်ရောက်မှသာ တစ် ပတ်လျှင် နာရီ ၂၀ ပုံမှန်အတိုင်း ဆက်လက်လုပ်ကိုင်ခွင့်၊ အစိုးရပံ့ ပိုးထားသောကောလိပ်တွင် တက် ရောက်ပါက တစ်ပတ်လျှင် ၁၀နာရီ လုပ်ကိုင်ခွင့်နှင့် အခြားကောလိပ် ကျောင်းများတွင် တက်ရောက်ပါ က လုံးဝ အလုပ်လုပ် ကိုင်ခွင့်ရရှိ မည်မဟုတ် ကြောင်း ယူကေဘော်ဒါ အေဂျင်စီမှ သတင်းထုတ်ပြန် ထား သည်။ ကျောင်းသား များအား ထပ်မံ အထိနာ စေသော အချက်မှာ တက္ကသိုလ်တက်ရောက်ပြီးဆုံး၍ ဒီဂရီဘွဲ့ရရှိသော သူများ အတွက် ထုတ်ပေး နေသော ၂နှစ်နေထိုင်ခွင့် ဗီဇာ(Post Study Work)ကို လာ မည့်နှစ် ဧပြီလမှ စတင်ရပ် ဆိုင်း တော့မည် ဖြစ်သည်။ ထို့အပြင် ကျောင်းသား ဗီဇာအား နှစ်ပေါင်း များစွာ ကိုင်ဆောင်နေသော နှစ် ချို့ကျောင်း သား ကြီးများကိုလည်း သက်တမ်း ထပ်တိုးပေးမည် မဟုတ် ကြောင်း ကြေညာထားသည်။

“၂၀ဝ၇-၂၀ဝ၈ နောက်ပိုင်း လောက်ကစပြီး တကယ့်ကိုမှန်မှန် ကန်ကန်ကျောင်းတက်ပြီး နောက် ပိုင်းကလည်း လိုသမျှ ပံ့ပိုးပေးနိုင် တဲ့သူတွေကတော့ အဆင်ပြေကြ ပါတယ်။ အလုပ်လုပ်ဖို့ရည်ရွယ်ပြီး လာတဲ့သူတွေ၊ အလုပ်နဲ့ ကျောင်း နဲ့တွဲလုပ်မယ်ဆိုတဲ့သူတွေ တော် တော်လေးကို အဆင်မပြေဖြစ်နေ တာတွေတွေ့ရ၊ ကြားရ တယ်။ ပြီး တော့ လူဝင်မှုကြီးကြပ်ရေးစည်း မျဉ်းစည်းကမ်းတွေကလည်း လက် ရှိ အာဏာရ ညွန့်ပေါင်း အစိုးရက စီမံကိန်းချပြီး တစ်ဆင့်ပြီးတစ်ဆင့် တင်းကျပ် ပြောင်းလဲနေတာက ကျောင်းသားတွေအတွက် အ ကြီးမား ဆုံး အခက်အခဲပဲ။ မြန် မာကျောင်းသားတွေကို အထိနာ ဆုံးအချက်ကတော့ အလုပ်လုပ် ခွင့်ကို တင်းတင်း ကျပ်ကျပ်ကန့် သတ်လိုက်တာပဲ။ အခုဆို ပို တောင်တင်းကျပ်ဦးမယ်။အနောက် က ပံ့ပိုးပေးနိုင်မှ နို့မို့ဆိုမလွယ်ဘူး။ အလုပ်ရှင်တွေကလည်း ကျောင်း သားအလုပ်လုပ်ခွင့်ရှိတဲ့သူကို ခွဲ ခြားရမယ့်ဟာက အလုပ်ရှုပ် တော့ ကျောင်းသားဗီဇာဆို အလုပ်မ ခန့်ချင်တော့ဘူး။

အဲဒါ အလုပ် ကောင်းတွေမှမဟုတ်ဘူး၊ ဟိုးအ ရင်က လွယ်လွယ်ကူကူရနိုင်ခဲ့တဲ့ စက်ရုံ၊ အလုပ်ရုံတွေမှာတောင် ကျောင်းသား ဗီဇာ သမားဆို အလုပ် မပေးတော့တာပါ”ဟု ယူကေတွင် ဖြစ်ပေါ်နေသောအခြေအနေများ နှင့် ပတ်သက်၍ ကိုဧရာထွဏ်းက ပြောပြသည်။ ယူကေဘော်ဒါအေဂျင်စီ၏ နောက်ဆုံးသတင်းထုတ်ပြန်ချက် တွင် ထူးခြားချက် အနေဖြင့် ကျောင်းသားများ၏ ဘဏ်ငွေစာ ရင်းသည် ယုံကြည်စိတ်ချရသည့် ဘဏ်မဟုတ်ပါက ပြည်ဝင်ခွင့် ငြင်းပယ် မည်ဆိုသည့် အချက် ပါ ဝင်နေသည်။ ထိုကဲ့သို့သော ပြည် တွင်းမှ ဘဏ်များကို ထုတ်ပြန် ကြေညာ မည်ဟု ယူကေဘော်ဒါ အေဂျင်စီ၏ အပြောင်းအလဲမူဝါဒ တွင် ရေးသားဖော်ပြထားသော် လည်း လက်ရှိ ချိန်ထိ တရားဝင် ထုတ်ဖော်မှုမျိုး မတွေ့ရှိရသေးပေ။

ယူကေ ပညာရေး ဝန်ဆောင်မှုလုပ် ငန်းအချို့၏ အဆိုအရ ပြည်တွင်း ရှိ ဘဏ်သုံးခုသည် အထက်ပါ ကြေညာ ချက်နှင့် ငြိစွန်းနေလျက် ရှိပြီး ကျောင်းသား၏ ကျောင်း လခနှင့် နေထိုင်စားသောက်စရိတ် အတွက် ဘဏ်ငွေ စာရင်းအား ယင်းဘဏ်တို့မှတစ်ဆင့် ပြသပါ က ကျောင်းသားပြည်ဝင်ခွင့် အ ပယ်ခံရနိုင်ကြောင်း ၎င်းတို့၏ အ တွေ့အကြုံများကို အခြေခံ၍ ပြောသည်။ ပညာရေး ဝန်ဆောင်မှုအေ ဂျင်စီအချို့ထံ ရောက်ရှိ သွား၍ ဘဏ်ငွေ စာရင်း ကျပ်သိန်း သုံးရာ ခန့်ပြစရာ မရှိသော ကြောင့် အတိုး စနစ်ဖြင့် လည်းကောင်း၊ စာရွက် စာတမ်း အတုပြု လုပ်ခြင်းဖြင့် လည်း ကောင်း၊ သို့မဟုတ် အထက်ပါ ဘဏ်များနှင့် ဆက်သွယ်ဆောင် ရွက်မိ သော ကျောင်း သားများ သည် ပြည်ဝင်ခွင့် အတွက် ပညာ အရည်အချင်းလိုအပ်ချက်ပြည့်မီ သော်လည်း အပယ်ခံ ရခြင်းသာ မက ဆယ်နှစ် ပြည်ဝင်ခွင့် ပိတ်ပင် ခံရခြင်းများ ရှိနေကြောင်း ပညာ ရေးဝန်ဆောင်မှု လုပ်ငန်းအချို့မှ သိရသည်။

ပြည်ပနိုင်ငံ များသို့ ပညာ သင်သွားရောက်နိုင်ရန် ဝန် ဆောင်မှုဆောင်ရွက်နေသော ပြည် တွင်း အေဂျင်စီ အချို့နှင့် ပတ်သက် ၍ ကိုဧရာထွဏ်းက “ကျွန်တော့် ရှေ့မှာ မြင်ရကြားရတာ ပြောရ ရင် ပညာရေးကို တကယ်နား လည်ပြီး စေတနာနဲ့လုပ်တဲ့သူရှား တယ်။ ကျောင်းသားရရေး အဓိက ဆိုပြီး ပွဲစားဆန်ဆန် မစားရ ဝခမန်း တွေပြောပြီး လုပ်တာတွေ ရှိတယ်။ အရင်က ပြည်ဝင်ခွင့် စည်းမျဉ်းတွေက လှုပ်သာလှည့် သာရှိတော့ ကျောင်း အရွေးမှား သွားဦး၊ ပြောင်းဖို့က လွယ်တယ်။ အခု အဲ့ဒီအချက်ကို ကျောင်းသား တွေသတိပြုရမယ်။

ကျောင်းသား တွေရဲ့ တကယ့်လိုအပ်ချက်ကို သေသေချာချာ ဆွေးနွေးနိုင်တဲ့ အကြံပေးတွေ နည်းနေပါသေး တယ်။ ကျောင်းကလေးတစ် ကျောင်း၊ နှစ်ကျောင်းလောက်နဲ့ ချိတ်ဆက် ထားတာမျိုး၊ ကိုယ် များ များရမယ့်ကျောင်းကိုပဲ အတင်း ညွှန်းတာမျိုးမဟုတ်ဘဲ တကယ့်ကို နာမည်ရှိတဲ့ ကျောင်းပေါင်းစုံတွေ နဲ့ချိတ်ဆက်ပြီး ကျောင်းသားရဲ့ ပကတိလိုအပ်ချက်နဲ့ ကိုက်ညီတဲ့ ကျောင်းမျိုးကိုရှာဖွေပေးပြီး ဝန် ဆောင်မှုပေး တဲ့သူ နည်းနေပါ သေးတယ်။ ဒီကိုလာမယ့် မြန်မာ ကျောင်းသား တွေကို စနစ်တကျ ပြင်ဆင်ပြီးမှ လာစေချင် တယ်။ အထူးသဖြင့် အင်္ဂလိပ်စာကိုပေါ့။ ကျောင်းလာတက်မယ်ဆို ဘယ် လိုအဆင့်ပဲ လာတက်တက် IELTS အမှတ် ၆၊ ၇ လောက်ထိ ရနိုင်တဲ့ အနေအထား ပြင်ဆင်ထားသင့် တယ်။ ဒီက အပြောင်းအလဲတွေ ကိုလည်း မျက်ခြည် မပျက်လေ့ လာစေချင်တယ်”ဟု ဝေဖန်သုံး သပ်အကြံပြုသည်။

မည်သို့ဆိုစေ ဗြိတိန်နိုင်ငံ သည် နိုင်ငံတကာကျောင်းသား များအား တစ်ချိန်က ပေးအပ်ခဲ့ သည့် အခွင့်အလမ်း များကို ရုပ်သိမ်း လိုက်ပြီဖြစ်သည်။ ကျောင်း သားများအတွက် ရွှေ့ပြောင်း အလုပ်လုပ် ကိုင်ခွင့် ဆိုင်ရာလမ်း ကြောင်း တစ်ခု အခက်အခဲဖြစ် ပေါ်ခဲ့ပြီဖြစ်သည်။ ယူကေရောက် မြန်မာကျောင်းသားများ ပြည်တော်ပြန်လာ သည်ရှိသ လို စင် ကာပူသို့ ရောက်သွားသူများရှိနေ သည်။ ယူကေသွားဖို့ ပြင်နေ သော မြန်မာ ကျောင်းသား များ မလေးရှား၊ စင်ကာပူဘက်သွားဖို့ ဦးတည်ရာ ပြောင်းလိုက်သူများ ရှိနေသည်။ ကျောင်းသား လူငယ် များအား အကြံပြု ဆွေးနွေးမှုများ နေ့စဉ် ပြုလုပ်နေသည့် ပညာရေး ဝန်ဆောင်မှုလုပ်ငန်း ဆောင်ရွက် နေသူ တစ်ဦးက “ မြန်မာကျောင်း သားတွေမှာ ရွေးချယ်စရာ သိပ် မရှိပါဘူး”ဟုဆိုသည်။ ။

နေလင်းထွန်း